ايماقتار • 28 قاڭتار، 2020

شىمكەنتتە 205 ازاماتتىق ءىس مەدياتسيا تارتىبىمەن شەشىلگەن

34 رەتكورسەتىلدى

شىمكەنتتە «ۆيرتۋالدى سوت» جوباسىن جۇزەگە اسىرۋ اياسىندا 109 سوت وتىرىسى قاشىقتىقتان وتكىزىلدى. بۇل تۋرالى شىمكەنت قالاسىنىڭ مامانداندىرىلعان اۋدانارالىق ەكونوميكالىق سوتىنىڭ ءباسپاسوز ءماسليحاتىندا ايتىلدى.

«2019 جىلدىڭ 12 ايىندا ازاماتتىق ىستەر بويىنشا سوتقا 4206 تالاپ ارىز جانە 145 ءىس ءتۇسىپ، 3773 ءىس اياقتالعان، ونىڭ ىشىندە شەشىم شىعارۋمەن 2962 ءىس، سوت بۇيرىعىن شىعارۋمەن 22 ءىس اياقتالعان. ال، 321 تالاپ ارىز قاراۋسىز قالدىرىلسا، 323 ارىز قايتارىلعان جانە 56 ءىس سوتتىلىعى بويىنشا جولدانعان. ال، 412 ءىس قىسقارتىلىپ، سونىڭ ىشىندە 170 ءىس مەدياتسيا تارتىبىمەن اياقتالعان. سونداي-اق 35 ءىس تاراپتاردىڭ بىتىمگەرشىلىك كەلىسىمگە كەلۋىنە جانە 31 ءىس تالاپ ارىزدان باس تارتۋىنا بايلانىستى قىسقارتىلعان. وتكەن جىلى قارالىپ اياقتالعان 3773 ءىستىڭ، اپەللياتسيالىق ساتىدا 31-ءى وزگەرتىلگەن جانە 34 شەشىم بۇزىلعان. «ۆيرتۋالدى سوت» جوباسىن جۇزەگە اسىرۋ اياسىندا بارلىعى 109 سوت وتىرىسى قاشىقتىقتان وتكىزىلگەن. سونىڭ ىشىندە «TrueConf» موبيلدىك قوسىمشاسى ارقىلى 98 جانە ۆكس ارقىلى 11 سوت وتىرىسى وتكىزىلگەن»،  دەپ باياندادى مامانداندىرىلعان اۋدانارالىق ەكونوميكالىق سوتتىڭ توراعاسى م.مايساقانوۆ.

ودان ءارى ءسوز العان تاتۋلاستىرۋشى-سۋديا م.مۇزدىباەۆا سوت مەدياتسياسىنا توقتالىپ: «تاتۋلاسۋ: سوتقا دەيىن، سوتتا» اتتى پيلوتتىق جوبانى جۇزەگە اسىرۋ بارىسىندا جىل باسىنان بەرى تاتۋلاستىرۋشى سۋديالاردىڭ وندىرىسىنە 468 ازاماتتىق ءىس ءتۇسىپ، سونىڭ ىشىندە 205 ازاماتتىق ءىس تاراپتاردىڭ تاتۋلاسۋىنا بايلانىستى مەدياتسيا تارتىبىمەن اياقتالعان»، دەدى.

شىمكەنت

 

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار