ايماقتار • 28 قاڭتار، 2020

تارازدىق تۇرعىنداردىڭ تىلەگى كوپ

61 رەتكورسەتىلدى

تاراز قالاسىنداعى «استانا» مولتەكاۋدانىندا ورنالاسقان №53 مەكتەپتە قالا اكىمى ايتقازى قارابالاەۆ وتكەن جىلدى قورىتىندىلاپ، ەسەپ بەردى. كەزدەسۋ بارىسىندا اكىم وتكەن جىلى كونە شاھاردىڭ تۇرلەنگەنىن، بىرقاتار نىساندار سالىنىپ، ەل يگىلىگىنە بەرىلگەنىن اتاپ ءوتتى.

تارازدىق تۇرعىنداردى شاھاردا باستاۋ العان تىڭ باستامالارعا قولداۋ بىلدىرۋگە شاقىردى. سونىمەن قاتار، جامبىل وبلىسىنىڭ اكىمى اسقار مىرزاحمەتوۆتىڭ باستاماسىمەن سالىنىپ، پايدالانۋعا بەرىلىپ جاتقان پاتەرلەر مەن جاتاقحانالارعا دا ەرەكشە توقتالدى.

الايدا تارازدا تىندىرىمدى تىرلىكتەر كوپ بولعانىمەن، ماسەلەلەرى دە بارشىلىق. تاراز قالاسىنىڭ تۇرعىندارى ايتقازى قارابالاەۆقا ساۋالدارىن جولداپ، جەر تەلىمىنىڭ، تۇرعىن ءۇي كەزەگىنىڭ العا جىلجىمايتىنىن ايتتى. سونداي-اق تۇرعىندار تۇرعىن القاپتارداعى جول، جاياۋ جۇرگىنشىلەر جولى، ول جەرلەرگە جول بەلگىلەرىن ورناتۋ، قوعامدىق كولىك قاتىناسى، بالالاردىڭ سپورت الاڭشالارىنىڭ قۇرىلىسى جانە ارىقتاردى اعىن سۋمەن تولتىرۋ ماسەلەلەرىن دە كوتەردى. قالا اكىمى ايتقازى قارابالاەۆ بۇل ماسەلەلەردىڭ الداعى ۋاقىتتاردا كەزەڭ-كەزەڭىمەن شەشىمىن تاباتىنىن، ءبىرىنشى كەزەكتە قالاعا قوسىلعان ء«شولدالا» اۋماعىندا ورنالاسقان 28 ساياجايداعى تۇرعىنداردىڭ تۇرمىستىق-الەۋمەتتىك ماسەلەلەرىنە باسىمدىق بەرىلەتىنىن جەتكىزدى. 

 

جامبىل وبلىسى

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار