قازاقستان رەسپۋبليكاسى پرەزيدەنتىنىڭ شاكىرتاقىسى – نازارباەۆ شاكىرتاقىسىنا لايىقتى ماگيسترانتتاردى ىرىكتەۋ جونىندەگى قازاقستان رەسپۋبليكاسىنىڭ ءبىلىم جانە عىلىم مينيسترلىگى كونكۋرستىق كوميسسياسىنىڭ وتىرىسى ءوتتى.
قازاقستان رەسپۋبليكاسى ۇلتتىق عىلىم اكادەمياسىنىڭ مۇشەسى ن.ءا.نازارباەۆتىڭ اي سايىنعى شاكىرتاقى قورى تاعايىندايتىن نازارباەۆ شاكىرتاقىسى ەلىمىز جوعارى وقۋ ورىندارىنىڭ «جۇزدەن جۇيرىك, مىڭنان تۇلپار» اتانعان وقۋ ۇلگەرىمى ۇزدىك, عىلىمي-زەرتتەۋ جۇمىسىمەن اينالىسىپ, جوعارى وقۋ ورنىنىڭ, قالانىڭ, ەلىمىزدىڭ قوعامدىق قىزمەتىنە بەلسەندى ارالاسىپ جۇرگەن 10 ماگيسترانتىنا بەرىلەدى. كوميسسيا وتىرىسىنا توراعالىق ەتكەن ءبىلىم جانە عىلىم ءمينيسترى باقىتجان جۇماعۇلوۆ جوعارى وقۋ ورىندارى عىلىمي كەڭەسى ۇسىنعان 50 ۇمىتكەردىڭ تالقىعا تۇسكەنىن حابارلادى. ولاردىڭ بارلىعى دا ەكىنشى جىل وقىپ جاتقان ماگيسترانتتار. كونكۋرستىق كوميسسيا سولاردىڭ اراسىنان 10 ماگيسترانت تاڭدالىپ الىندى. بارلىق ۇمىتكەرلەردىڭ وقۋ ۇلگەرىمى جوعارى – 4,0 (GPA).
ۇزدىك ماگيسترانتتارعا نازارباەۆ شاكىرتاقىسى وسىمەن ءۇشىنشى رەت تاپسىرىلىپ وتىر. جىل سايىن ۇمىتكەرلەر سانى ارتۋدا. ءبىرىنشى جىلى كونكۋرسقا 14 ماگيسترانت قاتىسسا, ەكىنشى جىلى 28 ۇمىتكەر ءوز باقتارىن سىناعان ەدى. بيىل ولاردىڭ سانى 50-گە جەتتى.
«ەگەمەن-اقپارات».
