ۇكىمەت • 28 قاڭتار، 2020

ۇكىمەت مەملەكەت باسشىسىنىڭ تاپسىرمالارىن ىسكە اسىرۋ جونىندەگى شارالاردى قارادى

55 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا بيىلعى 24 قاڭتاردا وتكەن ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆتىڭ بەرگەن تاپسىرمالارىن ورىنداۋ جونىندەگى شارالار قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ۇلتتىق ەكونوميكا ءمينيسترى ر. دالەنوۆ، ۇلتتىق بانك توراعاسى ە. دوساەۆ، قارجى نارىعىن رەتتەۋ جانە دامىتۋ اگەنتتىگىنىڭ توراعاسى م. ابىلقاسىموۆا، پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءا. سمايىلوۆ، سونداي-اق، پرەمەر-ءمينيستردىڭ ورىنباسارلارى ر. سكليار مەن ب. ساپارباەۆ  بايانداما جاسادى.

مەملەكەت باسشىسىنىڭ تاپسىرمالارىن ىسكە اسىرۋ جونىندەگى ۇكىمەت شارالارىنىڭ كەشەنى وسى جىلدىڭ سوڭىنا دەيىن مەملەكەتتىك اپپارات قۇرىلىمىن وڭتايلاندىرۋدى، باسەكەلەستىكتى قورعاۋ جونىندەگى جۇمىستى كۇشەيتۋدى، «تەحنيكالىق رەتتەۋ تۋرالى» زاڭ جوباسىن دايىنداۋدى، سەرتيفيكاتتاۋدىڭ ۇلتتىق جۇيەسىن دامىتۋدى، وسى جىلدىڭ ءبىرىنشى جارتىسىندا سالىق جۇيەسىن رەفورمالاۋدى، 2025 جىلعا دەيىن ساۋدا ساياساتىنىڭ باعدارلاماسىن ازىرلەۋدى، بيىل بيزنەستىڭ بىرىڭعاي اقپاراتتىق سەرۆيسكە قول جەتكىزۋىن قامتاماسىز ەتۋدى جانە ت. ب. قامتيدى.

«پرەزيدەنت قاسىم-جومارت كەمەل ۇلى توقاەۆ ەلباسى نۇرسۇلتان ءابىش ۇلى نازارباەۆتىڭ قازاقستاندىقتاردىڭ ناقتى تابىسى مەن تۇرمىس ساپاسىن ارتتىرۋ جونىندەگى ستراتەگيالىق ماقساتتارىنا قول جەتكىزۋگە باعىتتالعان بىرقاتار ناقتى تاپسىرما بەردى»، - دەدى ا. مامين.

پرەمەر-مينيستر ينۆەستيتسيالاردى بەلسەندى تۇردە تارتۋ، ەكونوميكانىڭ شيكىزاتتىق ەمەس سەكتورلارىن، شاعىن جانە ورتا بيزنەستى دامىتۋ، سونداي-اق، جاڭا جۇمىس ورىندارىن قۇرۋ ۇكىمەتتىڭ ءاربىر مۇشەسى مەن اكىمدەردىڭ نەگىزگى باسىمدىقتارىنا اينالۋى ءتيىس ەكەنىن اتاپ ءوتتى.

«ۇلتتىق ەكونوميكا مينيسترلىگى مەملەكەت باسشىسىنىڭ تاپسىرمالارىن ىسكە اسىرۋ بويىنشا شارالار كەشەنىن ۇسىندى. جاۋاپتىلار مەن ورىندالۋ مەرزىمدەرى انىقتالدى. ەندى ۇيلەسىمدى جۇمىستى ۇيىمداستىرۋ قاجەت. پرەزيدەنتتىڭ العا قويعان بارلىق مىندەتتەرى ناقتى ورىندالۋى ءتيىس. مەملەكەتتىك ورگانداردىڭ ءبىرىنشى باسشىلارى دەربەس جاۋاپ بەرەدى»، - دەدى ا. مامين.

پرەزيدەنتتىڭ ءونىمسىز بيۋدجەت شىعىستارىن قىسقارتۋ جونىندەگى تاپسىرماسىن ورىنداۋ اياسىندا ۇكىمەت باسشىسى مينيسترلەرگە، وڭىرلەردىڭ اكىمدەرىنە جانە ۇلتتىق كومپانيالاردىڭ باسشىلارىنا ءبىر اپتا مەرزىم ىشىندە قارجى مينيسترلىگىنە ءتيىستى ۇسىنىستار ەنگىزۋدى تاپسىردى.

«قارجى مينيسترلىگى 2 اپتادان كەيىن ۇكىمەت وتىرىسىندا ءونىمسىز بيۋدجەت شىعىستارىن قىسقارتۋ بويىنشا ازىرلەنگەن تاسىلدەر تۋرالى بايانداسىن»، -  دەدى ا. مامين.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار