ۇكىمەت • 28 قاڭتار، 2020

رۋسلان دالەنوۆ: ورتا مەرزىمدى كەزەڭگە ارنالعان ەكونوميكالىق دامۋ جوسپارى ازىرلەنەدى

21 رەتكورسەتىلدى

بۇل تۋرالى بۇگىن ۇكىمەت وتىرىسىندا ۇلتتىق ەكونوميكا ءمينيسترى رۋسلان دالەنوۆ ايتتى.

«ۇكىمەتتىڭ كەڭەيتىلگەن وتىرىسىندا مەملەكەت باسشىسى ەكونوميكانىڭ ساپالى ءوسۋىن قامتاماسىز ەتۋ جانە حالىقتىڭ تابىسىن ارتتىرۋ جونىندە ناقتى مىندەتتەر قويدى. بارلىعى 80-نەن استام تاپسىرما بەرىلدى. ورتا مەرزىمدى كەزەڭگە ارنالعان ەكونوميكالىق دامۋ جوسپارىن ازىرلەۋ قاجەت. 3 زاڭ اكتىسى قابىلدانادى. ولار جاڭا رەداكتسياداعى «تەحنيكالىق رەتتەۋ تۋرالى» زاڭ، بيۋدجەت كودەكسىنە وزگەرىستەر جانە دەنساۋلىق كودەكسى. سونداي-اق اقشا-كرەديت ساياساتى ستراتەگياسى، ساۋدا ساياساتى باعدارلاماسى جانە سۋ رەسۋرستارىن باسقارۋ سىندى 3 باعدارلامالىق قۇجات بەكىتىلەدى»، - دەدى رۋسلان دالەنوۆ.

ءمينيستردىڭ ايتۋىنشا، مەملەكەت باسشىسىنىڭ ءاربىر تاپسىرماسىن مازمۇندى جانە جەدەل پىسىقتاۋ قاجەت.

«وسىعان بايلانىستى، اسقار ۇزاقباي ۇلى، ءسىزدىڭ باسشىلىعىڭىزبەن ۇكىمەتتە جۇمىس توبىن قۇرۋ ۇسىنىلادى. جۇمىس توبى اياسىندا 10 شاعىن توپتى ايقىنداۋ ماڭىزدى. بۇل توپتار مەملەكەت باسشىسىنىڭ بارلىق تاپسىرمالارىن قامتيدى. مەملەكەتتىك ورگانداردىڭ ءبىرىنشى باسشىلارى شاعىن توپتاردى باسقارادى جانە ولارعا دەربەس جاۋاپكەرشىلىك جۇكتەلەدى»،- دەدى مينيستر.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار