ايدىن يەلەرى ويىن بارىسىندا سول كەتكەن ەسەنى قايتارۋعا كۇش سالعان ەدى. وعان قازاقستاندىق حوككەيشىلەر مۇمكىندىك بەرگەن جوق. ەلوردالىق كلۋب العاشقى مينۋتتان شابۋىل شەبىندە سەنىمدى ويىن كورسەتتى. ءبىرىنشى كەزەڭنىڭ 15-مينۋتىندا «بارىس» شابۋىلشىسى كوربان نايت مەرگەندىگىمەن كوزگە ءتۇستى. بۇدان كەيىن قوس كوماندا تاراپىنان ەسەپتى وزگەرتەتىن قاۋىپتى ساتتەر كەزدەسكەن ەدى. الايدا تابلوداعى ەسەپ سول كۇيىنشە قالدى. ەكىنشى كەزەڭنىڭ 21-مينۋتىندا «اۆتوموبيليست» تارازى باسىن تەڭەستىرىپ كەتكەن ەدى. بۇل گولدى رافاەل باتىرشين ءوزىنىڭ ەنشىسىنە جازدى. بۇدان كەيىن «بارىس» ساپىنان نيكيتا ميحايليس 31, لينۋس ۆيدەلل 38-مينۋتتاردا مەرگەندىك كورسەتتى. ال 54-مينۋتتا رەسەيلىك ەۆگەني موزەر ەسەپ ايىرماسىن قىسقارتتى. ويىننىڭ بىتۋىنە 21 سەكۋند قالعاندا قارسىلاس كوماندا بوس قاقپاسىنا نايدجەل دوۋس گول سوعىپ كەتتى. وسىلايشا «بارىس» 4:2 ەسەبىمەن جەڭىسكە جەتتى. ەلوردالىق كلۋب جالپى تۋرنير كەستەسىندە التىنشى ورىنعا كوتەرىلدى. ال شىعىس كونفەرەنتسياسىندا جانە چەرنىشەۆ ديۆيزيونىندا ءوز ورنىن ساقتاپ قالدى.
