بەكزات قومار ۇلى التىنبەكوۆ 1973 جىلى قاراعاندى وبلىسىنداعى اقتوعاي اۋدانىندا دۇنيەگە كەلءدى. ەكى جوعارى ءبىلىمى بار: ءو.بايقوڭىروۆ اتىنداعى جەزقازعان ۋنيۆەرسيتەتىنىڭ تاريح فاكۋلتەتىن جانە ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ قۇقىقتانۋ فاكۋلتەتىن ءتامامداعان. تاريح عىلىمدارىنىڭ كانديداتى.
قاراعاندى وبلىستىق ءماسليحاتىنىڭ دەپۋتاتى, قازاقستان حالقى اسسامبلەياسىنىڭ مۇشەسى, قاراعاندى وبلىسى بويىنشا قازاقستان حالقى اسسامبلەياسى توراعاسىنىڭ ورىنباسارى, وبلىستىق قوعامدىق كەلىسىم كەڭەسىنىڭ توراعاسى, «ميراس»قوعامدىق كەڭەسىنىڭ توراعاسى, جەزقازعان قالاسىنداعى قازاق قاتىناس جولدارى ۋنيۆەرسيتەتىنىڭ قاشىقتىقتان وقىتۋ جانە كاسىپتىك باعدار بەرۋ ورتالىعىنىڭ ديرەكتورى, كاسىپكەر.
بەكزات التىنبەكوۆ قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى, ۇلتتىق «التىن جۇرەك» سىيلىعىنىڭ لاۋرەاتى. سونداي-اق ول «قازاقستان ءماسليحاتتارىنىڭ قۇرمەتتى دەپۋتاتى»مەدالىنىڭ يەگەرى, اقپارات جانە قوعامدىق دامۋ مينيسترلىگىنىڭ «جىل تۇلعاسى» اتالىمىنىڭلاۋرەاتى.
حالىقتار بىرلىگىن ناسيحاتتاعانى جانە بەيبىتشىلىك پەن تۇراقتىلىقتىڭ نىعايۋىنا قوسقان ۇلەسى ءۇشىن 2015 جىلى قازاقستان حالقى اسسامبلەياسىنىڭ «بىرلىك» التىن مەدالىمەن ماراپاتتالعان. «شاپاعات» مەدالىنىڭ, قازاقستان رەسپۋبليكاسى پرەزيدەنتىنىڭ جانە قاراعاندى وبلىسى اكىمىنىڭ العىس حاتتارىنىڭ يەگەرى.
بەكزات التىنبەكوۆ 2019 جىلى عىلىم جانە ونەر سالاسى وكىلدەرىنءىڭ شىعارماشىلىعىن قولداۋ ماقساتىندا جۇلدە قورى 8 ميلليون تەڭگە بولاتىن «تۇلعا» سىيلىعىن تاعايىنداعان.
