«ماماندار ەل تۇرعىندارىنا ۆيرۋستىڭ تارالۋىنىڭ الدىن الۋ ءۇشىن قحر-عا بارۋدان ۋاقىتشا باس تارتۋعا كەڭەس بەرەدى.
«التىنكول تج», «نۇر جولى», «قورعاس شىحو» وتكىزۋ بەكەتتەرىندە, سونداي- اق ءۇرىمشى-الماتى پويىزدارىندا الدىن الۋ شارالارى جۇرگىزىلۋدە. ەستەرىڭىزگە سالا كەتەيىك, قىتايداعى جاڭا جىل مەرەكەسىنە بايلانىستى «قورعاس شىحو» 2020 جىلدىڭ 2 اقپانىنا دەيىن جابىلدى.
سونىمەن قاتار اۋەجايلار مەن تەمىر جول ۆوكزالدارىندا, اۆتوكولىكتەر وتەتىن ورىنداردا, اسىرەسە, قىتاي حالىق رەسپۋبليكاسىنان كەلەتىن بارلىق ادامدارعا (جولاۋشىلار, تاسىمالداۋشىلار, ەكيپاج مۇشەلەرى, بورتسەرىكتەر جانە باسقالار) مىندەتتى بايلانىسسىز تەرمومەتريا جۇرگىزىلەدى.
بۇگىندە قىتايمەن مەملەكەتتىك شەكاراداعى وتكىزۋ پۋنكتتەرىندە 19 704 ادام تەكسەرىلدى:
-الماتى جانە نۇر-سۇلتان حالىقارالىق اۋەجايلارىندا 17 043 ادام (15 992 جولاۋشى جانە 1051 ەكيپاج مۇشەسى);
- تەمىرجول ۆوكزالىندا 161 ادام (33 جولاۋشى جانە 128 بريگادا قۇرامى);
قحر كەلگەندەردىڭ اراسىنان دەنە قىزۋى جوعارى جانە اۋرۋ بەلگىلەرى بار ادامدار انىقتالعان جوق.
مەديتسينالىق ۇيىمداردا ارتىق قور ءۇشىن دارىلىك زاتتار مەن مەديتسينالىق بۇيىمداردىڭ ءتىزىمى دايىندالادى.
جەرگىلىكتى دەنساۋلىق ساقتاۋ باسقارمالارى ينفەكتسيالىق ستاتسيونارلار, وزگە دە ستاتسيوناردان قوسىمشا توسەكتەر دايىنداۋدا. سونداي-اق مەديتسينالىق قىزمەتكەرلەردىڭ اراسىندا تەوريالىق جانە پراكتيكالىق ازىرلىك جۇرگىزىلدى.
ازاماتتار ءۇشىن تاۋلىك بويى 1406 بايلانىس-ورتالىعى (الەۋمەتتىك مەديتسينالىق ساقتاندىرۋ قورى بازاسىندا) جۇمىس ىستەيدى جانە + 7 (7172) 76-80-43 نومىرىنە دە قوڭىراۋ شالىپ, كوروناۆيرۋس تۋرالى, سونداي-اق اۋرۋدىڭ الدىن الۋ شارالارى مەن نەگىزگى بەلگىلەرى جايلى تولىق اقپارات الۋعا بولادى.
بۇل جاعداي قازاقستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ ءجىتى باقىلاۋىندا» دەلىنگەن حابارلامادا.
