جيىنعا مەملەكەت جانە قوعام قايراتكەرى, اكادەميك مىرزاتاي جولداسبەكوۆ, قوعام قايراتكەرى, Nur Otan پارتياسى رەسپۋبليكالىق قابىلداۋىنىڭ كونسۋلتانتى اۋىت مۇقيبەك, قوعام قايراتكەرى, «قازاق ءۇنى» جشس پرەزيدەنتى قازىبەك يسا, جازۋشى, دراماتۋرگ, قوعام قايراتكەرى, قازاقستاننىڭ ەڭبەك سىڭىرگەن قايراتكەرى تولەن ابدىك, پروفەسسور, قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساقوجاەۆا, ءانشى, كومپوزيتور, قازاقستاننىڭ حالىق ءارتىسى التىنبەك قورازباەۆ جانە تاعى دا باسقا ۇلتتىق قوعامدىق سەنىم كەڭەسىنىڭ مۇشەلەرىمەن قاتار مادەنيەت جانە سپورت قايراتكەرلەرى, مۇددەلى قوعامدىق بىرلەستىكتەر, مەملەكەتتىك ورگان وكىلدەرى قاتىستى.
مادەنيەت جانە سپورت ءمينيسترى اقتوتى رايىمقۇلوۆا مەملەكەت باسشىسىنىڭ باستاماسىمەن قۇرىلعان ۇلتتىق قوعامدىق سەنىم كەڭەسىنىڭ مۇشەلەرىنە وسىناۋ كەزدەسۋگە كەلگەندەرى ءۇشىن العىس ايتىپ, ۇلىن اقىن اباي قۇنانباي ۇلىنىڭ 175 جىلدىق مەرەيتويىمەن قۇتتىقتادى.
«بيىلعى جىل قازاق رۋحانياتى مەن مادەنيەتى ءۇشىن ەلەۋلى جايتتارعا تولى بولعالى تۇر. الداعى ۋاقىتتا اباي قۇنانباي ۇلىنىڭ 175, عۇلاما ويشىل ءال-فارابي بابامىزدىڭ 1150 جىلدىق مەرەيتويى اياسىندا اۋقىمدى جۇمىستار اتقارىلادى. پرەزيدەنت قاسىم-جومارت توقاەۆ ايتقان بۇل باعىتتاعى ەسكەرتپەلەردى نەگىزگە الىپ, ىسىراپشىلدىققا جول بەرمەي, ءىس-شارالاردى تياناقتى وتكىزۋگە تىرىسامىز. بۇگىنگى باياندامالارعا قاتىستى سىزدەردىڭ ۇسىنىس-پىكىرلەرىڭىزدى تىڭداۋعا دايىنبىز» دەدى مينيستر.
باسقوسۋ بارىسىندا مادەنيەت جانە سپورت مينيسترلىگىنىڭ اتىنان – «ادالدىق الاڭى» جوبالىق كەڭسەسىنىڭ قىزمەتى مەن ماقساتى, 2020 جىلعا ارنالعان جوسپارىمەن جوبا كەڭسەسىنىڭ جەتەكشىسى م. كامزولداەۆ بايانداما جاسادى.
مارات بولىسبەك ۇلى مەملەكەت باسشىسى ايتقان «ەستيتىن مەملەكەت» باعدارلاماسى اياسىندا «ادالدىق الاڭى» جوباسى قۇرىلىپ, سىبايلاس-جەمقورلىق پەن پارا بەرۋگە قارسى مادەنيەتتى قالىپتاستىرۋ ءۇشىن جۇمىس جۇرگىزىلىپ جاتقانىن ايتتى.
ءتىل ساياساتى كوميتەتىنىڭ توراعاسى عالىمجان مەلدەشوۆ قازاق ءتىلىنىڭ لاتىن گرافيكاسىنا كەزەڭ-كەزەڭىمەن كوشۋ ماسەلەلەرىنە ارنالعان بايانداماسىندا قازىر الەۋمەتتىك جەلىدە «مينيسترلىك كەلىپ تۇسكەن 8 نۇسقانىڭ ىشىنەن ءبىرىن تاڭداپ الادى ەكەن» دەگەن اقپارتتىڭ جالعان ەكەنىن جەتكىزدى.
«شىندىعىندا بىزگە 30-عا جۋىق نۇسقا كەلىپ ءتۇستى. ارقايسىسىنىڭ عىلىمي ساراپتاماسىن جاساپ, تالقىعى سالىپ, مۇمكىندىگىنشە جاۋاپ بەرىپ كەلەمىز. ايتىلىپ جۇرگەن 8 نۇسقا دەگەن جاڭساق پىكىر. ءبىز سول 8-ءىن جەكە-جەكە سۇزگىدەن وتكىزدىك, ونىڭ ىشىنەن تاڭداپ الاتىن بىردە-ءبىر نۇسقا جوق. ۇكىمەت جانىنداعى ۇلتتىق كوميسسياعا قاراستى 4 جۇمىس توبى بار. ءار توپتا بەلدى دەگەن عالىمدارمەن كەلىسە وتىرىپ, ورتاق نۇسقانى ازىرلەپ, ۇسىندىق. دەگەنمەن ءالى دە جەتىلدىرۋ جۇمىستارى ءجۇرىپ جاتىر» دەدى.
ۇلتتىق قوعامدىق سەنىم كەڭەسى مۇشەسى قازىبەك يسا ءتىل ماسەلەسىنە بۇل جولى دا بەيجاي قاراۋعا بولمايتىنىن وتكىر ايتىپ, «قوعامدىق ورىندارداعى بارلىق جارنامالىق ماتەريالدار تۇگەل لاتىن الىپبيىندە جازىلۋى كەرەك» دەدى.
سپورت جانە دەنە شىنىقتىرۋ ىستەرى كوميتەتىنىڭ توراعاسى سەرىك ساپيەۆ مەملەكەت باسشىسىنىڭ العا قويعان مىندەتى نەگىزىندە بۇقارالىق سپورتتى دامىتۋ بويىنشا جاساعان بايانداماماسىندا ءار وڭىردە قولعا الىنىپ جاتقان جوبالارمەن تانىستىردى.
وسى ماسەلە بويىنشا جازۋشى تولەن ابدىك پىكىرىن ءبىلدىرىپ: ء«بىزدىڭ ستۋدەنت كەزىمىزدە «سپارتاك», «زەنيت», «قايرات» سەكىلدى سپورت كلۋبتارى بار ەدى. ءبىز وسى كلۋبتارعا بارىپ سپورتپەن اينالىساتىن ەدىك. قازىرگى جاستارعا ونداي مۇمكىندىكتەر قاراستىرىلعان با؟» - دەپ ساۋال تاستادى.
ءتيىستى مەمەمە باسشىسى س.ساپيەۆ بيىل ء«جۇز سپورت زال» مەملەكەتتىك باعدارلاماسى جۇزەگە اساتىنىن, سونىمەن قاتار, «اتامەكەن» كاسىپكەرلەر پالاتاسىنىڭ ۇيىمداستىرۋىمەن «اۋىل - ەل بەسىگى» باعدارلاماسى وسىعان دەيىن سپورت كەشەندەرىن سالعانىن ايتتى. ارينە, بۇل باستاما ءالى دە قولداۋ تاباتىنىن تىلگە تيەك ەتتى سەرىك جۇمانعالي ۇلى.
«تاريحي-مادەني» مۇرا وبەكتىلەرىن قورعاۋ جانە پايدالانۋ تۋرالى» قر زاڭىن قابىلداۋدىڭ نەگىزگى باپتارى مەن تۇركىستان قالاسىندا جۇرگىزىلىپ جاتقان جۇمىستاردىڭ بارىسى تۋرالى مادەنيەت جانە ونەر ىستەرى دەپارتامەنتىنىڭ ديرەكتورى كۇمىس سەيىتوۆا تارقاتىپ ايتتى.
«ەلدەگى ءتۋريزمدى قولداپ, سول ارقىلى قازاقستاندى الەمگە تانىتۋ تۋرالى ەلباسى ۇنەمى ايتىپ كەلەدى. قازىرگى تاڭدا ۇلىتاۋدا ساپار ورتالىعى قۇرىلىسى ءجۇرىپ جاتىر. سونىمەن قاتار ءال-ءفارابيدىڭ 1150 جىلدىعى, التىن وردانىڭ 750 جىلدىعى مينيسترلىكتىڭ كەشەندى جوسپارىندا تۇر» دەدى ا.رايىمقۇلوۆا.
كەزدەسۋ سوڭىندا ايتىلعان وي-پىكىر, ۇسىنىستاردى قورىتىندىلاي كەلە مادەنيەت جانە سپورت ءمينيسترى القالى باسقوسۋعا قاتىسۋشىلارعا العىس ايتىپ, الداعى ۋاقىتتاردا دا وسىنداي وتىرىستار تۇراقتى تۇردە وتكىزىلىپ تۇراتىنىن جەتكىزدى.
