ءىس-شاراعا اۋەجاي, تەمىرجول ۆوكزالى, دەنساۋلىق ساقتاۋ باسقارماسى جانە باسقا دا قالالىق قىزمەت ورتالىقتارىنىڭ باسشىلارى قاتىستى. قازاقستان رەسپۋبليكاسىنىڭ پرەزيدەنتى ق.توقاەۆتىڭ تاپسىرماسى بويىنشا ورتالىق جانە جەرگىلىكتى اتقارۋشى ورگاندار قىتايدان قازاقستانعا كوروناۆيرۋستىڭ تارالۋىن بولدىرماۋعا باعىتتالعان ۇيىمداستىرۋشىلىق شارالاردى قابىلداۋدا.
قازاقستان رەسپۋبليكاسىنىڭ ۇكىمەتى تاراپىنان ۆيتسە-پرەمەر ب.ساپارباەۆتىڭ توراعالىعىمەن ۆەدومستۆوارالىق كوميسسيا قۇرىلدى, وعان قازاقستاندا كوروناۆيرۋستىڭ تارالۋىن بولدىرماۋ جونىندەگى ءىس-شارالار جوسپارىن دايىنداۋ تاپسىرىلدى.
اكىمنىڭ ورىنباسارى اۋەجاي مەن ۆوكزالداردا سانيتارلىق باقىلاۋدى كۇشەيتۋدىڭ ماڭىزدىلىعىن اتاپ ءوتىپ, ەلوردادا كوروناۆيرۋستىڭ تارالۋىن بولدىرماۋ ءۇشىن شارالار قابىلداۋدى تالاپ ەتتى. قازىرگى ۋاقىتتا ەلورداعا كوروناۆيرۋستىق ينفەكتسيانىڭ اكەلىنۋ جاعدايلارىن وقشاۋلاۋ جانە جويۋ بويىنشا جۇمىس توبى قۇرىلدى, حالىقارالىق رەيستەردىڭ كەلۋىنە جىلۋ باقىلاۋ قوندىرعىسى كۇشەيتىلدى, بارلىق ادامداردىڭ مىندەتتى بايلانىسسىز تەرمومەترياسى جۇرگىزىلۋدە, اۋەجاي, شەكارا جانە كەدەن قىزمەتتەرى قىزمەتكەرلەرىمەن پروفيلاكتيكالىق جۇمىستار ۇيىمداستىرىلدى.
