اتاپ ايتقاندا, قالا اكىمىنىڭ وكىمىمەن كومپانيەتس سەرگەي ەۆگەنەۆيچ كاسىپكەرلىك جانە يندۋستريالدى-ينوۆاتسيالىق دامۋ باسقارماسىنىڭ باسشىسى بولىپ تاعايىندالدى.
سەرگەي ەۆگەنەۆيچ 1986 جىلى تۋعان, ءبىلىمى جوعارى. 2009 جىلى «ينفورماتيكا جانە باعدارلامالىق قامتاماسىز ەتۋ» ماماندىعى بويىنشا باسقارۋ ينستيتۋتىن ءتامامداسا, 2016 جىلى دجوردج ۆاشينگتون ۋنيۆەرسيتەتىنىڭ اقپاراتتىق جۇيەلەر مەن باسقارۋ تەحنولوگيالارىنىڭ ماگيسترانتى دارەجەسىن العان. سول جىلدارى جىلدىڭ ەڭ ۇزدىك بيزنەس ستۋدەنتتەرىنىڭ بەستىگىنە كىرگەن. 2011 جىلى «مەملەكەتتىك جانە جەرگىلىكتى باسقارۋ» ماماندىعى بويىنشا اكادەميالىق يننوۆاتسيالىق ۋنيۆەرسيتەتىن بىتىرگەن.
ەڭبەك جولىندا ول قازاقستان رەسپۋبليكاسىنىڭ «مەملەكەتتىك قىزمەت ىستەرى اگەنتتىگىنىڭ اقپاراتتىق-تەستىلەۋ ورتالىعى» مەملەكەتتىك مەكەمەسىندە جۇيەلىك ينجەنەرى, ورتالىق ديرەكتورىنىڭ ورىنباسارى, سودان كەيىن ديرەكتورى بولىپ قىزمەت اتقارعان. سونداي-اق قازاقستان رەسپۋبليكاسى پرەمەر-ءمينيسترىنىڭ كەڭسەسى «الماس» مەملەكەتتىك كاسىپورنى ديرەكتورىنىڭ ورىنباسارى, «ۋچەت ونلاين» جشس جوبالاردى باسقارۋ جونىندەگى ديرەكتورى جانە شىمكەنت قالاسى اكىمىنىڭ اپپاراتىندا اقپاراتتىق قاۋىپسىزدىك ءبولىمىنىڭ باستىعى بولىپ جۇمىس ىستەدى. بۇدان بولەك, «Shymkent» اكك توراعاسىنىڭ ورىنباسارى قىزمەتىن اتقارعان.
بۇعان قوسا پرەزيدەنتتىڭ كادرلىق رەزەرۆىنە ىرىكتەۋدىڭ بارلىق كەزەڭدەرىنەن سۇرىنبەي وتكەن ولجاس شىنتاەۆ كاسىپكەرلىك جانە يندۋستريالدى-ينوۆاتسيالىق دامۋ باسقارماسى باسشىسىنىڭ ورىنباسارى بولىپ تاعايىندالدى.
ولجاس شىنتاەۆ 1990 جىلى تۋعان, ءبىلىمى جوعارى, ماماندىعى بويىنشا ەكونوميكا جانە بيزنەس باكالاۆرى - ەسەپ جانە اۋديت. ورىس, اعىلشىن, قىتاي تىلدەرىن مەڭگەرگەن.
قازاقستان رەسپۋبليكاسىنىڭ تۋريزم يندۋسترياسىنىڭ ۇزدىگى, تمد حالىقارالىق دوستاستىق سىيلىقتارىنىڭ لاۋرەاتى.
ەڭبەك جولىندا «ورتون» جشس-ءنىڭ مەنەدجەرى, وقو تۋريزم يندۋستيرياسىن دامىتۋ ورتالىعى قوعامدىق بىرلەستىگىنىڭ توراعاسى, وقو يندۋستريالدى-يننوۆاتسيالىق دامۋ جانە تۋريزم باسقارماسىنىڭ ءبولىم باسشىسى, «Ontustik tourism center» كمك ديرەكتورى, تۇركىستان وبلىسى تۋريزم جانە سىرتقى بايلانىس باسقارماسىنىڭ باسشىسى, «Qazaq Geography» رەسپۋبليكالىق قوعامدىق بىرلەستىگى باسقارماسى توراعاسىنىڭ كەڭەسشىسى قىزمەتتەرىن اتقارىپ كەلگەن.
