بۇگىندە اتالعان «نۇر-كاپيتال» باعدارلاماسى اياسىندا 121 جوبا ءۇشىن 2,4 ملرد. تەڭگەگە نەسيە الىنىپ, مىڭنىن ۇستىندە جاڭا جۇمىس ورنى قۇرىلدى. سونىڭ ىشىندە, كوش باستاپ تۇرعان جاڭاوزەن قالاسىندا 38 جوبا, مۇڭايلى اۋدانىندا 44 جوبا, بەينەۋ اۋدانىندا 12 جوبا, تۇپقاراعان اۋدانىندا 11 جوبا, ماڭعىستاۋ ادانىندا 9 جوبا, ال قاراقيا اۋدانىندا 7 جوبا جۇزەگە اسىرىلدى.
جوبا اياسىندا «وزەنمۇنايگاز» ااق-تان 900 ميلليون تەڭگە جانە «دامۋ» قورىنان 1,8 ملرد. تەڭگە قاراجات بولىنگەن. وبلىستىڭ كاسىپكەرلىك سالاسىن قولداۋ ماقساتىندا جالپى قۇنى 2,7 ملرد. تەڭگە بولاتىن نەسيە رەسۋرستارى باعىتتالدى. بۇل قاراجات اق «Forte bank», اق «سبەربانك», اق «قازاقستان حالىق بانكى», سونداي-اق, اق «بانك تسەنتر كرەديت» بانكتەرى ارقىلى 8,5% ءبولىنىپ, جەرگىلىكتى بيۋدجەت بويىنشا 7,5 پايىزبەن سۋبسيديالانعان. سايكەسىنشە, سوڭعى قارىز الۋشى ءۇشىن پايىزدىق مولشەرلەمە 1% قۇرايدى.
بەرىلەتىن قاراجات ينۆەستيتسيالارعا (نەگىزگى قۇرالداردى ساتىپ الۋ جانە مودەرنيزاتسيالاۋ) نەسيە سوماسىنىڭ 30 پايىزىنان اسىرماۋدى ماقسات ەتىپ, ينۆەستيتسيالىق نەسيە اياسىندا اينالىم كاپيتالىن تولىقتىرۋعا بولىنەدى.
نەسيە مەرزىمى: ينۆەستيتسيالار ءۇشىن - 7 جىلعا دەيىن, ال اينالىم قاراجاتتارىن تولىقتىرۋ ءۇشىن - 3 جىلعا دەيىن.
نەسيە الۋشى «بيزنەستىڭ جول كارتاسى 2020» بيزنەستى قولداۋ مەن دامىتۋدىڭ مەملەكەتتىك باعدارلاماسى اياسىندا 85% دەيىن مەملەكەتتىك كەپىلدىك الا الادى جانە وعان نەسيە تۇراقتى جاڭا جۇمىس ورىندارىن قۇرايتىن جاعدايدا عانا بەرىلەدى.
ءوندىرىس, اۋىل شارۋاشىلىعى, تۋريزم, قىزمەت كورسەتۋ – «نۇر-كاپيتال» جوباسىنىڭ نەگىزگى باعىتتارى بولىپ سانالادى, سايكەسىنشە بارلىق جوبالار وڭىرلىك ۇيلەستىرۋ كەڭەسىنىڭ رۇقساتىنان وتەدى.
