اتالعان قاۋلىنى قابىلداۋدىڭ ماقساتى ۇكىمەت بەلگىلەگەن وڭىرلەردە قانداستاردى وڭتايلى ورنالاستىرۋ بولىپ تابىلادى. 2020 جىلى كۆوتا بىلايشا ءبولىندى: پاۆلودار وبلىسى بويىنشا – 500 ادام, قوستاناي وبلىسى بويىنشا – 350, اقمولا وبلىسى بويىنشا – 258, شىعىس قازاقستان وبلىسى بويىنشا-150, سولتۇستىك قازاقستان وبلىسى بويىنشا – 120.
قانداستاردى قابىلداۋدىڭ وڭىرلىك كۆوتاسىنا ەنگىزىلگەن ادامدارعا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىن ىسكە اسىرۋ شەڭبەرىندە سۋبسيديا بەرۋ تۇرىندە قولداۋ كورسەتىلەتىن بولادى: كوشۋگە – وتباسىنىڭ ءاربىر مۇشەسىنە 35 اەك (84,2 مىڭ تەڭگە) بىرجولعى تولەم; تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەردى تولەۋ بويىنشا شىعىستاردى جابۋ ءۇشىن 12 اي ىشىندە وتباسىنا 15-تەن 30 اەك (36,1-دەن 72,2 مىڭ تەڭگە).
بۇدان بۇرىن حابارلانعانداي, 2019 جىلى ۇكىمەت 2 031 ادامدى قامتيتىن قانداستاردى قابىلداۋدىڭ وڭىرلىك كۆوتاسىن بەكىتتى, ول مىناداي تۇردە ءبولىندى: قوستاناي وبلىسى بويىنشا – 815, پاۆلودار وبلىسى بويىنشا – 550, اقمولا وبلىسى بويىنشا – 306, شىعىس قازاقستان وبلىسى بويىنشا-250, سولتۇستىك قازاقستان وبلىسى بويىنشا – 110 ادام.
جالپى العاندا, 2019 جىلى 17,661 ەتنيكالىق قازاق نەمەسە 9993 وتباسى تاريحي وتانىنا ورالىپ, قانداس مارتەبەسىن الدى.
ەستەرىڭىزگە سالا كەتەيىك, 1991 جىلدان 2020 جىلعى 1 قاڭتارعا دەيىن 313 256 وتباسى نەمەسە 1 057 280 ەتنيكالىق قازاق تاريحي وتانىنا ورالىپ, قانداس مارتەبەسىن العان بولاتىن.
