ولاردىڭ اراسىندا ءجۇز شاقتى مەرزىمدى قىزمەتتەگى اسكەري قىزمەتشىلەر العاش رەت سەكىرۋدى ورىندادى.
دەسانت-شابۋىلشى اسكەرلەر قولباسشىسى باسقارماسىنىڭ اۋە-دەسانت دايىندىعى ءبولىمىنىڭ وفيتسەرى پودپولكوۆنيك ەرجان سمايىلوۆ اتاپ وتكەندەي, سەكىرۋگە جىبەرىلگەن بارلىق اسكەري قىزمەتشىلەر الدىن الا دايىندىقتان ءوتىپ, ءپاراشيۋتتى رەتكە كەلتىرۋدىڭ بارلىق كەزەڭدەرىن ۇيرەندى. ءبولىم پسيحولوگتارى مورالدىق-پسيحولوگيالىق جاعدايدى تەكسەردى, ويتكەنى ول سەكىرۋگە رۇقسات بەرۋ جانە كەشەندى سىناق بولىپ تابىلادى.
«پاراشيۋتپەن سەكىرۋ – بۇل ۇلكەن پوزيتيۆ سىيلايدى. تىكۇشاقتىڭ بورتىندا قورقىنىش پەن شاتتىق سەزىمدەرى ارالاس. يىقتان قاعىپ بەلگى بەرىلگەننەن سوڭ, سەكىرۋىڭ كەرەك. سول ساتتە ەرەكشە سەزىمگە كەنەلەسىڭ. ءپاراشيۋتىڭ اشىلعان كەزىندە, دەسانتشىلاردىڭ قاتارىنا قوسىلعانىڭدى تۇسىنەسىڭ» دەپ ءوز سەزىمىمەن ءبولىستى مەرزىمدى قىزمەتتەگى قاتارداعى جاۋىنگەر مارات قاسىم.
پاراشيۋتپەن سەكىرگەندەردىڭ اراسىندا قىزدار دا بار. اتاپ ايتقاندا, راديوتەلەفونيستتەر قاتارداعى جاۋىنگەر سماعۇلوۆا ديانا مەن اۋەلبەكوۆا زۋرا. ايەلدەر اراسىندا 2020 وقۋ جىلىندا باعدارلامانى العاش رەت جۇزەگە اسىرعان نازىك جاندىلارعا كومانديردىڭ اتىنان اۋە-دەسانتتىق دايارلىق ىسىنە بەلسەندى قاتىسقاندارى ءۇشىن گراموتالار تابىس ەتىلدى.
2020 وقۋ جىلىنا ارنالعان جاۋىنگەرلىك دايارلىقتىڭ باعدارلاماسى بويىنشا دەسانتشىلاردىڭ 10 000 جۋىق سەكىرۋلەرى جوسپارلانعان.
