«شاھار باسشىسى قالادا ءبىرىنشى كەزەكتە شەشىلۋى ءتيىس شارالاردى ايقىنداپ, ولاردى ۇكىمەتتىڭ جۇمىس جوسپارىنا ەنگىزۋ بويىنشا ءتيىستى مينيسترلىكتەرمەن جۇمىس جۇرگىزۋدى ناقتى تاپسىردى.
جيىندا م.ايتەنوۆ سالا باسشىلارىنا قوردالانعان ماسەلەلەردى شەشۋ ءۇشىن بىرقاتار تاپسىرما جۇكتەدى.
دالىرەك ايتساق:
-مەملەكەت باسشىسىسىنىڭ كولەڭكەلى ەكونوميكامەن كۇرەسۋدى جانە قولما-قول اقشالاي ەسەپ ايىرىسۋ كولەمىن قىسقارتۋ بويىنشا تاپسىرماسىن وتە تياناقتى ورىنداۋدى;
-قالاداعى ارنايى ەكونوميكالىق جانە يندۋستريالدى ايماقتاردىڭ بارلىعىنا تالداۋ جۇرگىزىپ, ونىڭ ساپالى تولتىرىلۋى مەن ءتيىمدى باسقارىلۋىن, تاۋار وندىرۋشىلەردىڭ ونىمدەرىن جاقىن جانە الىس وڭىرلەر مەن ەلدەرگە ەكسپورتقا شىعارۋ كولەمىن ۇلعايتۋدى;
-مەملەكەت باسشىسىنىڭ قىمبات اۆتوكولىك پەن جيھازداردى ساتىپ الۋعا, ءارتۇرلى فورۋمداردى, سەمينارلاردى جانە كونفەرەنتسيالاردى وتكىزۋگە ۇزاق مەرزىمدى موراتوري جاريالاعانىنا بايلانىستى بيىلعا بەكىتىلگەن بيۋدجەتكە تالداۋ جۇرگىزىپ, ءتيىستى وزگەرتۋلەردى ەنگىزۋدى;
-ينۆەستيتسيالىق جوبالار بويىنشا جول كارتاسىن ازىرلەپ, 1 ساۋىرگە دەيىن «بيزنەسكە ارنالعان ۇكىمەت» بىرىڭعاي قىزمەت كورسەتۋ تەرەزەسىن اشۋدى;
-مەملەكەتتىك ساتىپ الۋدا جەرگىلىكتى قامتۋ ۇلەسىن ۇلعايتۋدى جانە ءبىر كوزدەن ساتىپ الۋ ۇلەسىن قىسقارتۋدى;
-قوعامدىق كولىك ماسەلەسىن دە دەر كەزىندە شەشۋدى;
-تۇرعىنداردىڭ الەۋمەتتىك جاعدايىن جاقسارتۋ بويىنشا ءتيىستى جۇمىستار جۇرگىزىپ, ماسىلدىققا جول بەرمەۋدى باقىلاۋدى;
-بارلىق مەكتەپتەر مەن بالاباقشالارعا بەينە باقىلاۋ كامەرالارىن ورناتۋدى جانە وقۋ ورىندارىنىڭ سىرتىندا ورنالاسقان دارەتحانالاردى عيمارات ىشىنە ورنالاستىرۋ جۇمىستارىن وسى جىلدىڭ 1 قىركۇيەگىنە دەيىن تولىق ورىنداۋدى;
-بيىلعى 1 ساۋىرگە دەيىن قالا تۇرعىندارىن مىندەتتى الەۋمەتتىك-مەديتسينالىق ساقتاندىرۋمەن 100 پايىز قامتۋدى;
-تۇرعىنداردى ساپالى ينتەرنەت جەلىسىمەن قامتاماسىز ەتۋدى جانە تسيفرلاندىرۋ جۇمىستارىن جانداندىرۋدى قاتاڭ تاپسىردى.
ءماجىلىس سوڭىندا مۇرات دۇيسەنبەك ۇلى «حالىق ۇنىنە قۇلاق اساتىن مەملەكەت» تۇجىرىمداماسى بويىنشا بارلىق سالا باسشىلارىنا تۇرعىندارمەن تىعىز جۇمىس ىستەۋدى باسا ايتتى» دەلىنگەن حابارلامادا.
