Photo: CNN
امەريكالىق دىبىس جازۋ اكادەمياسى تابىستايتىن بەلگىلى مۋزىكالىق پرەميا كوبي برايانت LA Lakers توبىنىڭ ساپىندا ويناعان Staples ورتالىعىندا ءوتتى. كەش قوناقتارى بۇگىن كوبيدىڭ ۇيىندەمىز دەستى.
شارانى اشقان العاشقى ورىنداۋشى ءانىن «بۇگىنگى كەش سەن ءۇشىن, كوبي» دەگەن سوزدەرمەن باستادى.
شارا قاتىسۋشىلارى قايعىلى حابار گرەممي كەشىندە وتىرعاندارعا اسەر ەتپەي قويماعانىن جەتكىزىپ, الەم ناعىز باتىرىنان ايىرىلعانىن اتاپ ءوتتى.
تىكۇشاق اپاتىندا بەلگىلى باسكەتبولشىمەن بىرگە 13 جاستاعى قىزى دجياننا ماريا مەن ءۇش جولاۋشى قايتىس بولدى.
الەم جۇرتى باسكەتبولشىنىڭ قازاسىنا قايعىرىپ, الەۋمەتتىك جەلىلەردە ول تۋرالى ەستەلىكتەرىمەن ءبولىسىپ جاتىر.
