وتىرىسقا ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ, «قازاقستان قارجىگەرلەر قاۋىمداستىعى» زتب كەڭەسىنىڭ توراعاسى ەلەنا باحمۋتوۆا, «First Heartland Jysan Bank» اق ديرەكتورلار كەڭەسىنىڭ مۇشەسى بولات جامىشەۆ, پرەزيدەنتتىڭ شتاتتان تىس كەڭەسشىلەرى تامارا دۇيسەنوۆا جانە ولجاس قۇدايبەرگەنوۆ, سونداي-اق مەملەكەتتىك ورگاندار مەن ۇكىمەتتىك ەمەس ۇيىمداردىڭ, «اتامەكەن» ۇكپ وكىلدەرى, ساراپشىلار مەن قوعام قايراتكەرلەرى قاتىستى.
«جالپى, مەملەكەت باسشىسى جۇمىس توبىنىڭ ۇسىنىستارىن قولدادى. ەندى پرەزيدەنتتىڭ تاپسىرمالارىن ەسكەرە وتىرىپ, جۇمىسىمىزدى جالعاستىرۋ قاجەت. ونىڭ ىشىندە زەينەتاقى جۇيەسىن ودان ءارى جاڭعىرتۋدى جەدەلدەتۋ, اكىمشىلىك شىعىنداردى قىسقارتۋ, ەڭ تومەنگى جالاقى كولەمىن جانە جيناقتاۋشى زەينەتاقى جۇيەسىنىڭ تيىمدىلىگىن ارتتىرۋ ماسەلەسىن پىسىقتاۋ كەرەك» دەدى ب. ساپارباەۆ.
سونىمەن قاتار جۇمىس توبى زەينەتاقى جيناقتارىنىڭ ءبىر بولىگىن پايدالانۋ باستاماسىن ىسكە اسىرۋ بويىنشا جۇمىستاردى جالعاستىرادى.
«تۇرعىن ءۇي ساتىپ الۋ جانە قىمبات تۇراتىن ەمگە اقى تولەۋ ءۇشىن زەينەتاقى جيناقتارىن پايدالانۋ ۇسىنىسىنا قولداۋ ءبىلدىرىلدى. بۇل قۇقىقتى پايدالانا الاتىن ازاماتتاردى كەزەڭ-كەزەڭمەن قامتۋدى ارتتىرۋدى ەسكەرۋمەن قوسىمشا ەسەپتەۋلەر جۇرگىزۋ قاجەت» دەدى ۆيتسە-پرەمەر.
وتىرىستى قورىتىندىلاعان بەردىبەك ساپارباەۆ بيىلعى قاڭتار ايىنىڭ سوڭىنا دەيىن مىندەتتەردى, مەرزىمدەرى مەن جاۋاپتى تۇلعالاردى كورسەتۋمەن جول كارتاسىنىڭ جوباسىن ازىرلەۋدى تاپسىردى.
