ونىڭ ايتۋىنشا, ەلباسىنىڭ تاپسىرماسى بويىنشا Nur Otan پارتياسى ۇكىمەتپەن بىرىگىپ جەرگىلىكتى ەرەكشەلىك پەن حالىقتىڭ ناقتى قاجەتتىلىكتەرىن ەسەپكە الا وتىرىپ, ايماقتىق باعدارلامالاردى دايىنداۋ بويىنشا جۇيەلى جۇمىس جۇرگىزىپ جاتقان كورىنەدى. نۇروتاندىقتار بارلىق پروبلەماسى كوپ بەكەتتەردى, سونىڭ ىشىندە, شالعاي اۋداندار مەن اۋىلداردى قامتۋدى جوسپارلاپ وتىر.
ء«بىز ءار اۋدان ءۇشىن پارتيانىڭ جەكە باعدارلاماسىن ازىرلەگىمىز كەلەدى. جەرگىلىكتى جەردەگى ماسەلەلەر مەن سۇرانىستارعا باسىمدىق بەرسەك دەيمىز. ءبىز الدىمەن حالىقتىڭ كوڭىلى قالايتىن ناقتى ماسەلەلەردى شەشكىمىز كەلەدى. ەكىنشىدەن, ءبىز كانديداتتارىمىزدى پرايمەريز, ياعني پارتيا ىشىندەگى ىرىكتەۋ ارقىلى ۇسىنعىمىز كەلەدى. مۇنىڭ بارلىعى اشىق دەبات تۇرىندە وتكىزىلەتىن بولادى. سوندىقتان Nur Otan پارتياسىنىڭ مىندەتى – كرەاتيۆتى ويلايتىن, اشىق-جارقىن جانداردى ۇسىنۋ. سونداي-اق قىز-كەلىنشەكتەر مەن جاستاردى بەلسەندى قولداپ, كوتەرمەلەيمىز. بۇل ەلباسى نۇرسۇلتان نازارباەۆ پەن ەل پرەزيدەنتى قاسىم-جومارت توقاەۆتىڭ تىكەلەي تاپسىرماسى. ايەلدەردىڭ 30%-ى مەن جاستاردىڭ 20%-ى ءماسليحاتتاردىڭ بارلىق دەڭگەيىندە بولۋى ءتيىس», دەپ اتاپ ءوتتى باۋىرجان بايبەك.
پارتيالىقتارعا ارناپ ۇيىمداستىرىلعان وقىتۋ ترەنينگتەرىنە قاتىسا وتىرىپ, Nur Otan پارتياسى توراعاسىنىڭ ءبىرىنشى ورىنباسارى سونداي-اق جۇرتشىلىق دارىگەرلەرگە قاتىستى وقيعالارمەن الەۋمەتتىك جەلىلەردە بولىسە وتىرىپ, اق حالاتتى ابزال جانداردى قولداۋعا شاقىردى.
ء«بىز دارىگەرلەردى قولداۋىمىز قاجەت. اركىم دارىگەرلەردىڭ ولاردىڭ تۋىستارى مەن جاقىندارىن قالاي قۇتقارىپ قالعانى تۋرالى اڭگىمەلەسىن. بۇل وتە كۇردەلى مورالدىق قولداۋ بولىپ تابىلادى. جاعدايدىڭ 99%-ىندا دارىگەرلەر ادامدارعا كومەكتەسىپ, ولاردىڭ ءومىرىن قۇتقارىپ وتىر, الايدا كەيبىرەۋلەر سەكىلدى وزدەرىن جارنامالامايدى. ۇندەمەي عانا جۇمىس ىستەيدى. سونىمەن قاتار مۇعالىمدەردى, مەملەكەتتىك قىزمەتكەرلەردى, پوليتسيا قىزمەتكەرلەرىن دە قولداۋىمىز كەرەك دەپ ەسەپتەيمىن. تاڭەرتەڭنەن كەشكە دەيىن جۇمىس ىستەپ, كەيدە ءتىپتى وتباسىلارىنا كوڭىل بولۋگە ۋاقىتتارى بولمايدى», – دەدى باۋىرجان بايبەك.
ايتا كەتەتىن جايت, پارتيالىق «قايتا جاڭعىرۋ» اياسىندا ساياسي مەنەدجمەنت مەكتەبى 10 مىڭنان استام نۇروتاندىققا ارناپ وقىتۋ سەمينارىن باستادى. ايماقتىق فيليالداردىڭ, باستاۋىش پارتيا ۇيىمدارىنىڭ وكىلدەرى مەن پارتيا ىشىندەگى قاناتقاقتى كادرلىق ىرىكتەۋ جەڭىمپازدارى تۇلعالىق قۇزىرەتتى دامىتۋ, حالىقپەن جانە ازاماتتىق قوعام ينستيتۋتتارىمەن ءتيىمدى ءوزارا ارەكەت ەتۋ, داعدارىستىق بايلانىس جانە ت.ب. سالادا ماشىقتانۋ دەڭگەيىن ارتتىرۋ بويىنشا ترەنينگتەرگە قاتىسۋدا.
