قار كۇرەۋشىلەردىڭ قاتارىندا ءوڭىردىڭ بەلسەندى تۇرعىندارى, كاسىپكەرلەر مەن مەملەكەتتىك قىزمەتشىلەر جانە جاس ەرىكتىلەر بولدى.
قاراعاندى وبلىستىق جاستار ءىسى جونىندەگى باسقارمانىڭ باسشىسى نۇرجان جەتپىسباەۆ وسى شارا بارىسىندا ەرەكشە بەلسەندىلىك جانە ۇيىمشىلدىق تانىتقان جاس ەرىكتىلەرگە ريزاشىلىق ءبىلدىردى. سونداي-اق, ول ۆولونتەرلىكتى دامىتۋدىڭ وتە ماڭىزدى مىندەت ەكەنىن اتاپ ءوتتى.
– ءبىز ءوز اۋلاسىن تازالاۋعا مۇرشاسى كەلمەيتىن ارداگەرلەرگە, جالعىز باستى زەينەتكەرلەرگە, مۇمكىندىگى شەكتەۋلى ادامدارعا كومەكتەسەمىز. اۋداندار مەن قالالاردىڭ اكىمدىكتەرى ءوز كەزەگىندە وسى مەكەن-جايلاردىڭ قارىن سىرتقا شىعارۋ جۇمىستارىن ۇيىمداستىردى, – دەدى ول.
قالا جانە اۋدان اكىمدىكتەرىنىڭ مالىمەتتەرى بويىنشا, اكتسياعا 31 مىڭنان استام ادام جانە 1643 كاسىپورىن مەن ۇيىم قاتىسقان. ورتالىق كوشەلەردءىڭ, ساياباقتاردىڭ, گۇلزارلار مەن جايا جۇرگىنشىلەر جولدارىنىڭ قارىن تازالاۋعا جانە شىعارۋعا 803 بىرلىك ارنايى تەحنيكا جۇمىلدىرىلدى.
Birgemiz اكتسياسى قاراعاندى وبلىسىنىڭ بارلىق قالالارى مەن اۋداندارىندا ءوتىپ, ءوڭىر بويىنشا 40 مىڭ تەكشە مەتر قار تىسقا شىعارىلعان.
