مەديتسينا • 24 قاڭتار، 2020

وتاندىق دارىگەرلەرىمىز العاش رەت نەمىس كارديولوگتارىمەن بىرگە وتانىڭ جاڭا ءتۇرىن جاسادى

75 رەتكورسەتىلدى

بۇگىن الماتىداعى كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا وتاندىق كارديولوگتاردىڭ ماشىعىن بايىتقان تاماشا شەبەرلىك ءدارىسى ءوتتى. قازاقستاندا العاش رەت دارىگەرلەرىمىز نەمىس كارديولوگتارىمەن بىرگە كريوبلاتسيانى قولدانىپ، ميترالدى قاقپاقشاعا حيرۋرگيالىق تۇزەتۋ وپەراتسياسىن جاسادى.

الماتىعا «قاقپاقشالى جانە قاقپاقشالى ەمەس جۇرەكشە فيبريللياتسياسىن دياگنوستيكالاۋ مەن ەمدەۋدىڭ زاماناۋي ادىستەرى» تاقىرىبىنداعى شەبەرلىك دارىسىنە قاتىسۋ ءۇشىن قازاقستاننىڭ بارلىق  وڭىرلەرىنەن كارديولوگ دارىگەرلەر، ينتەرۆەنتسيالىق كارديولوگتار مەن اريتمولوگتار، كارديوحيرۋرگتار، تەراپەۆت دارىگەرلەر جانە جالپى پراكتيكا دارىگەرلەرى كەلدى.

كارديولوگيا جانە ىشكى اۋرۋلار عزي ۇيىمداستىرعان شەبەرلىك كلاسس شەڭبەرىندە قازاقستاندا العاش رەت گەرمانيانىڭ گامبۋرگ قالاسىنان كەلگەن جەتەكشى كارديوحيرۋرگ، پروفەسسور Thorsten Hanke كريوبلاتسيا (ەكسترەمالدىق سۋىقتىڭ اسەرىنە نەگىزدەلگەن جۇرەك اريتمياسىن ەمدەۋ) جاساي وتىرىپ، ميترالدىق قاقپاقشاعا حيرۋرگيالىق تۇزەتۋ وپەراتسياسى جاسالدى.

قاتىسۋشىلار پروفەسسور Thorsten ءHankeنىڭ تەراپيانى ءتيىمدى تاڭداۋ مەن ەلەكتروفيزيولوگيا تۋرالى ءدارىسىن تىڭدادى. ول جۇرەكشە فيبريللياتسياسىنىڭ قانشالىقتى قاۋىپسىز ەكەنىن ايتىپ ءوتتى. ونىڭ ايتۋىنشا، جۇرەكشە فيبريللياتسياسىن ءساتتى ەمدەۋ پاتسيەنتتەردىڭ ءومىرىن جاقسارتىپ، عۇمىرىن ۇزارتىپ، ينسۋلت قاۋپىن ازايتۋعا مۇمكىندىك بەرەدى.

سونىمەن قاتار دوكتور Thorsten Hanke مامانداردى وقىتۋدا حيرۋرگتىڭ العاشقى بەس وپەراتسياسى مىندەتتى تۇردە تاجىريبەلى ماماننىڭ جەتەكشىلىگىمەن جاسالۋى كەرەكتىگىن اتاپ ءوتتى.

ينستيتۋتتىڭ كارديولوگيا كافەدراسىنىڭ پروفەسسورى كۇلزيدا قوشىمباەۆا جۇرەكشە فيبريللياتسياسىنا ابلياتسيا جاسالعاننان كەيىن پاتسيەنتتەردى وپەراتسياعا دەيىن جانە وپەراتسيادان كەيىن ەمدەپ-قاراۋ تۋرالى، ال جۇرەك ىرعاعىنىڭ جانە وتكىزگىشتىگىنىڭ بۇزىلۋى بولىمشەسىنىڭ مەڭگەرۋشىسى روين رەكۆاۆا – جۇرەكشە فيبريللياتسياسىنىڭ كاتەتەر ارقىلى ەمدەۋ تۋرالى ايتىپ بەردى.

شەبەرلىك ساعاتى بارىسىندا ناقتى كلينيكالىق جاعدايلار قاراستىرىلدى جانە قاتىسۋشىلار كارديولوگيا جانە ىشكى اۋرۋلار عزي بولىمشە مەڭگەرۋشىلەرى رۇستەم تولەۋتاەۆ پەن روين رەكۆاۆانىڭ جانە پروفەسسور Thorsten Hankeمەن بىرلەسىپ جاساعان وپەراتسيالارىن كورۋگە مۇمكىندىك الدى.

1

كەلەسى كۇنى، ياعني 25 قاڭتاردا وپەراتسيا الدى جانە وپەراتسيادان كەيىنگى ۇسىنىمدار بەرىلەتىن بولادى، سونىمەن قاتار وپەراتسيا جاسالىپ كلينيكالىق جاعدايلار  قاراستىرىلاتىن بولادى. جاساندى قاناينالىم زەرتحاناسى بار كارديوحيرۋرگيا بولىمشەسىنىڭ مەڭگەرۋشىسى رۇستەم تولەۋتاەۆ ەلىمىزدىڭ بارلىق وڭىرلەرىنەن كەلگەن ارىپتەستەرىنە جۇرەكشە فيبريللياتسياسىن توراكوسكوپيالىق ەمدەۋدىڭ تاسىلدەرىمەن تانىستىراتىن بولادى.

وسىنداي شەبەرلىك ءدارىسىن وتكىزۋ كارديوحيرۋرگياداعى وپەراتيۆتىك ارالاسۋلار تەحنيكاسىن مەڭگەرۋگە، مامانداردىڭ كاسىبي داعدىسىن جاڭا دەڭگەيگە كوتەرۋگە مۇمكىندىك بەرەدى.

ءوز كەزەگىندە پروفەسسور Thorsten Hanke الەمدىك تاجىريبەدە بەلگىلى كارديوحيرۋرگ، توراكالدىق جانە جۇرەك-تامىر حيرۋرگياسى جونىندەگى نەمىس قوعامىنىڭ، ەۋروپالىق كارديوتوراكالدىق حيرۋرگيا  قاۋىمداستىعىنىڭ، نەمىس كارديولوگيالىق قوعامىنىڭ اريتميا جۇمىس توبىنىڭ، سونداي-اق نەمىس كارديولوگتار قوعامىنىڭ مۇشەسى بولىپ تابىلادى. ول مەديتسينا سالاسىندا جاساعان ەڭبەگى مەن عىلىمي جاڭالىقتارى ءۇشىن كوپتەگەن سىيلىقتار مەن گرانتتاردىڭ يەگەرى.

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار