ناسا ماماندارىنىڭ باعالاۋىنشا, اۋستراليانى قىزىل جالىنعا وراعان اپاتتىڭ سالدارىنان اتموسفەراعا تاراعان وتە ۇلكەن كولەمدەگى ءتۇتىن مەن ىس پلانەتانىڭ اۋا قاباتىنا دا وراسان زيانىن تيگىزبەك. قازىرگى كەزدە قۇرلىق اۋماعىندا جۇزگە جۋىق جالىن وشاعى بار. دۇنيەجۇزىلىك جابايى تابيعات قورىنىڭ رەسمي مالىمەتى بويىنشا, ءورت كوالانىڭ ۇشتەن ءبىرىن جانە اۋسترالياعا ءتان ەندەميكتىڭ 13 ءتۇرىن جويىپ جىبەرگەن ەكەن.
جەل ىستىڭ تارالۋ اۋماعىن الىس قاشىقتىقتارعا جەتكىزدى. ماسەلەن, مەلبۋرندە اۋانىڭ لاستانۋى قاۋىپتى دەڭگەيگە جەتتى, بىرقاتار شتاتتا توتەنشە جاعداي رەجىمى ەنگىزىلدى.
مامانداردىڭ ەسەبى بويىنشا, ءتىلسىز جاۋ كۇزدەن بەرى 10 ميلليون گەكتار ورمان القابىن تىپ-تيپىل ەتكەن كورىنەدى. ياعني, اۋستراليانىڭ ءباز-باياعى جاپ-جاسىل جازيرالى كۇيىنە كەلۋى ءۇشىن باقانداي ءبىر عاسىر كەرەك بولۋى مۇمكىن ەكەنىن ەكولوگتار دا, عالىمدار دا جوققا شىعارمايدى. «اپات ايتىپ كەلمەيدى» دەگەن وسى.
