ايماقتار • 22 قاڭتار، 2020

ازاماتتارعا ارنالعان ۇكىمەت «قالتاداعى حقو» قاعيداسىن قولدانادى

78 رەتكورسەتىلدى

بۇگىن الماتىدا «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ تسيفرلاندىرۋ باعىتىنداعى جۇمىستارى مەن 2019 جىل قورىتىندىسى» تاقىرىبىندا ءباسپاسوز بريفينگى ءوتتى.

2019 جىل «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ الماتىداعى فيليالى ءۇشىن جەمىستى بولدى.

بريفينگكە «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ الماتى قالالىق فيليالىنىڭ ديرەكتورى دانيار قىرىقباەۆ، قازاقستاننىڭ ەڭبەك سىڭىرگەن سپورت شەبەرى، قازاقتان شىققان تۇڭعىش وليمپيادا چەمپيونى، مەتسەنات، الماتىداعى №6 مامانداندىرىلعىن حقو-نى حالىق يگىلىگىنە ۇسىنۋشى جاقسىلىق ۇشكەمپىروۆ، «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالالىق فيليالىنىڭ جەتەكشىلەرى اينۇر ۇيقاسپاەۆا، فاريدا بوكيجانوۆا، جارقىن وتەگەنوۆ پەن ءال-فارابي اتىنداعى قازۇۋ «كەرەمەت» ستۋدەنتتەرگە قىزمەت كورسەتۋ ورتالىعىنىڭ ديرەكتورى سايران باياندينوۆا قاتىستى.

–تسيفرلىق قىزمەتتەردى ناسيحاتتاۋداعى جۇمىسىمىزدى قالا تۇرعىندارى دا قولداپ وتىر. ۇلكەن كومپانيالار، ۇيىمدار مەن مەكەمەلەر، جوو، كوللەدجدەر باسشىلارى، تانىمال تۇلعالار بىزدەن تسيفرلىق قىزمەتتەردى وزدەرى ۇيرەنىپ، ءارى قاراي وزگەلەرگە ۇيرەتۋدى جالعاستىرۋدا. ەلىمىزدىڭ  تسيفرلانۋ دەڭگەيى قانشا موبيلدىك قوسىمشالاردىڭ بار-جوعىنا نەمەسە قانشا قىزمەت ەلەكتروندىق فورماتقا كوشىرىلگەنىنە عانا ەمەس، سونداي-اق قازاقستاندىقتاردىڭ قانشالىقتى تسيفرلىق ساۋاتتى بولعانىنا دا بايلانىستى. سوندىقتان «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالالىق فيليالى ءوز قىزمەتىن تۇرعىنداردىڭ تسيفرلىق داعدىلارىن ارتتىرۋ جۇمىستارىمەن بايلانىستىرا جۇرگىزۋدە. بۇل باعىتتا 2019 جىلدىڭ 12 ايىندا 1،5 ميلليوننان اسا ادامدى قامتىعان 800-گە جۋىق شارالار ۇيىمداستىرىلدى، دەيدى فيليال ديرەكتورى دانيار قىرىقباەۆ.

فيليالدىڭ ءال-فارابي اتىنداعى قازۇۋ-دەن باستاۋ العان «تسيفرلان، ترەندتە بول!» اكتسياسى ارقىلى، الماتى قالاسىنىڭ مەكەمەلەرى مەن ۇيىمدارىندا، ساۋدا ورتالىقتارىندا، جوو-لار مەن كوللەدجدەردە، مەكتەپتەردە 342 اقپاراتتىق-ءتۇسىندىرۋ شارالارى، 284 لەكتسيا، 56 سەمينار وتكىزىلدى، 10-عا جۋىق مەكەمەلەر مەن وقۋ ورىندارىندا تسيفرلىق قىزمەت الۋ بۇرىشتارى اشىلدى.

حقو ماماندارى قىزمەت الۋشىلاردىڭ تەلەفوندارىنا telegram جانە Mgov قوسىمشالارىن ورناتۋعا كومەكتەسەدى، ءتۇرلى انىقتامالار مەن قىزمەتتەردى الۋ ءتارتىبىن تۇسىندىرەدى. قازىرگى ۋاقىتتا تەلەگرام-بوت (@EgovKzBot) ارقىلى مەملەكەتتىك قىزمەتتىڭ 25 ءتۇرى، mGov.kz ءموبيلدى قوسىمشاسى ارقىلى ءبىلىم بەرۋ، وتباسى، جىلجىمايتىن م ۇلىك، دەنساۋلىق ساقتاۋ جانە ت. ب. سالالارىندا 90-عا جۋىق مەملەكەتتىك قىزمەت قولجەتىمدى.

2019 جىلى «ازاماتتارعا ارنالعان ۇكىمەت» مەملەكەتتىك كورپوراتسياسى الماتىداعى فيليالى كورسەتكەن 3 992 218 قىزمەتتىڭ 1 281 597-ءى ەلەكتروندىق فورماتتا بولدى. «Connectionpoint» وزىنە-ءوزى قىزمەت كورسەتۋ سەكتورى ارقىلى 2 999 808 قىزمەت الىنىپ، 2 851 437 كونسۋلتاتسيا بەرىلدى. وسىلايشا، وتكەن جىلمەن (1588502قىزمەت) سالىستىرعاندا ءوز بەتىنشە قىزمەت الاتىندار سانى 88،9% - عا ارتتى.

قازىرگى ۋاقىتتا تىزىلىمدە بار 723 مەملەكەتتىك قىزمەتتىڭ 580-ءى ەلەكتروندىق فورماتتا قولجەتىمدى. «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى 648 مەملەكەتتىك قىزمەت قولجەتىمدى دەسەك، ونىڭ ىشىندە فيليالدىڭ مايدان-كەڭسەلەرى مەن بەك-وفيستەرىنىڭ كورسەتىپ وتىرعان قىزمەتتەرىن ايتا الامىز.

الماتى قالاسىنداعى مامانداندىرىلعان حقو-لار وتكەن جىلى 799 819 (كقت -665 262، جك -106 060) قىزمەت كورسەتسە، ميگراتسيالىق حقو ءبولىمى 173 583 قىزمەت كورسەتتى. ونىڭ 113 021-ءى ۋاقىتشا، 60 562-ءى ەڭبەك شارتى بويىنشا تىركەلگەن شەتەلدىكتەر بولدى. ورتالىقتىڭ جۇمىس تاجىريبەسى تمد ەلدەرىنە ۇلگى بولۋدا.

سونىمەن قاتار وتكەن جىلى الەۋمەتتىك تولەمدەردىڭ ۆەدومستۆوارالىق ەسەپتەۋ باعىتى بويىنشا 250 052، جىلجىمايتىن م ۇلىكتى مەملەكەتتىك تىركەۋ بويىنشا - 486 469، جىلجىمايتىن م ۇلىكتى تەحنيكالىق زەرتتەۋ جەلىسى بويىنشا 38 799، جەر كاداسترى جەلىسى بويىنشا 22 286 قىزمەت كورسەتىلگەنىن اتاپ وتكەنىمىز ءجون.

قازىر ازاماتتارعا ارنالعان ۇكىمەت «قالتاداعى حقو» قاعيداتى بويىنشا ارەكەت ەتەدى. ەڭ باستىسى، مەملەكەتتىك قىزمەتتەردى جىلدام الۋعا كومەكتەسەدى.

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار