ايماقتار • 22 قاڭتار، 2020

الماتىدا جاقسىلىق ۇشكەمپىروۆ سىيعا تارتقان محقو بار

459 رەتكورسەتىلدى

بۇگىن الماتىدا «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ تسيفرلاندىرۋ باعىتىنداعى جۇمىستارى مەن 2019 جىل قورىتىندىسى» تاقىرىبىندا ءباسپاسوز بريفينگى ءوتتى.

بىردەن ايتا كەتكەن ءجون، 2019 جىل «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ الماتىداعى فيليالى ءۇشىن جەمىستى بولدى. ءارى الماتى تۇرعىندارى مەن مەتسەناتتارى دا ازاماتتارعا ارنالعان ۇكىمەتتىڭ باستامالارىنا جاقسى قولداۋ ءبىلدىردى.

سونداي-اق وتكەن جىلى فيليالدىڭ مايدان-كەڭسەلەرىنىڭ قاتارى دا تولىققان بولاتىن. ونىڭ ءبىرى – المالى اۋدانىندا كوپشىلىكتىڭ سۇراۋى بويىنشا اشىلعان، ءوز-وزىنە قىزمەت كورسەتەتىن ترانسفورماتسيالانعان مايدان-كەڭسە. ەرەكشەلىگى – كومپيۋتەرلەر ۇستەلدە ەلليپس تۇرىندە ورنالاستىرىلعان، ال كەڭەسشىلەر ىشىندە جۇمىس ىستەيدى، ونى شارتتى تۇردە «قاناتتى Connection Point» دەپ اتايدى. بۇل سحەما ولارعا كومپيۋتەردەن كومپيۋتەرگە كەدەرگىسىز قوزعالۋعا جانە ادامداردىڭ كوبىرەك كومەكتەسۋگە مۇمكىندىك بەرەدى. وسى قاعيدات بويىنشا قىزمەت كورسەتۋ سەكتورىن ترانسفورماتسيالاۋ بارلىق حقو-لاردا جوسپارلانىپ وتىر.

سونىمەن قاتار وتكەن جىلى الماتىدا تاعى دا ەكى مامانداندىرىلعان حقو ىسكە قوسىلعان ەدى. جەتىسۋ اۋدانىندا ورنالاسقان №6 محقو-نى اۆتوكولىك يەلەرىنە مەتسەنات، داڭقتى سپورتشى جاقسىلىق ۇشكەمپىروۆ سىيعا تارتقان بولاتىن. 2019 جىلعى 10 قىركۇيەكتە ىسكە قوسىلعان ورتالىق جىل سوڭىنا دەيىن 8349 ءوتىنىم قابىلداپ، 7084 كولىك قۇرالىن تىركەپ، 663 جۇرگىزۋشى كۋالىگىن بەردى.  ەلەكتروندىق ۇكىمەت پورتالى ارقىلى 344 ءوتىنىم رەسىمدەلدى.

«ازاماتتارعا ارنالعان ۇكىمەتتىڭ» حالىق يگىلىگى ءۇشىن جاساپ جاتقانقىزمەتىن قولداۋشىلار سانى ارتىپ وتىرعانى قۋانتادى. داڭقتى سپورتشى جاقسىلىق ءامىرالى ۇلىنىڭ وسىنداي يگى ءىسى كوپكە ۇلگى. جومارت جۇرەكتى اعامىز، ەندى اۋداندا اۆتودروم سالىپ جاتقان جايى بار.

سوڭعى جاڭالىقتار

ۇقساس جاڭالىقتار