تەحنولوگيا • 22 قاڭتار، 2020

Microsoft كومپانياسى كليماتتىق يننوۆاتسيالاردىڭ دامۋىنا $1 ملرد بولەتىن بولدى

11 رەتكورسەتىلدى

وسى ارقىلى كومپانيا ءوزى  اۋاعا تارايتىن كومىرتەكتىڭ كولەمىن ازايتۋدى جوسپارلادى. Microsoft باس ديرەكتورى ساتيا نادەللا مەن كومپانيانىڭ باسقا دا جەتەكشى تۇلعالارىنىڭ باستاماسىمەن 2030 جىلعا قاراي كومپانيا كومىرتەك ەميسسياسىنىڭ دەڭگەيىن تومەندەتۋدى كوزدەپ وتىر. قىسقاسى، اتالمىش كومپانيا ءوزىنىڭ 1975 جىلى نەگىزى قالانعاننان بەرگى بۇكىل ارالىقتا اۋاعا تارالعان كومىرتەك سالدارىن 2050 جىلعا قاراي تولىعىمەن جويۋدى جوسپارلادى. سونداي-اق Microsoft ءوزىنىڭ كومىرتەكتى ءىزىن جوياتىن تەحنولوگيالاردى دامىتۋعا $1 ملرد ينۆەستيتسيا قۇيا وتىرىپ، ءوز كليەنتتەرىنە دە اۋاعا شىعارىلاتىن كومىرتەكتى ازايتۋعا كومەكتەسۋگە نيەتتى ەكەنىن ءبىلدىردى.

وسى ماقساتقا جەتۋ ءۇشىن كومپانيا 2025 جىلعا قاراي بارلىق عيماراتتار مەن كامپۋستاردى، مالىمەتتەردى وڭدەۋ ورتالىقتارىن قالپىنا كەلەتىن قۋات كوزدەرىنە اۋىستىرۋدى، سونداي-اق، ىشكى كولىك پاركىن ەلەكترمەن تولىقتاي قامتۋعا جوسپارلاپ وتىر. 2050 جىلعا قاراي كومپانيا ءوزى قالانعان ساتىنەن باستاپ تىكەلەي قالدىقتاردان بولىنگەن جانە دە ەلەكتر قۋاتىن تۇتىنۋ ەسەبىنەن پايدا كومىرتەك ءىزىن تولىعىمەن جويۋدى جوسپارلاۋدا. بۇل ءۇشىن ورماندار وتىرعىزۋ مەن قالپىنا كەلتىرۋ، كومىرتەكتى سەكۆەستراتتاۋ (توپىراقتاعى كومىرتەكتى ءسۇزۋ)، كومىرتەكتى بايلانىستىرۋ جانە ساقتاۋمەن بايلانىستى بيوەنەرگەتيكا (BECCS) جانە اۋانى تىكەلەي «ۇستاپ الۋ» (DAC) سىندى بىرقاتار ادىستەر قولدانىلماق.

سونداي-اق اۋقىمدى جوسپاردىڭ ىشىندە جاڭا كليماتتىق يننوۆاتسيالار قورى اياسىندا كومىرتەك قالدىقتارىن جويۋعا جانە ولاردى اۋادان تازارتۋعا بولاتىن تەحنولوگيالاردى دامىتۋعا ءتورت جىل ىشىندە ميلليارد دوللاردى ءبولۋ قاراستىرىلعان.

Microsoft ءوزىنىڭ سەرىكتەستەرى مەن كليەنتتەرىنە ءوز كومىرتەك قالدىقتارىن ازايتۋعا كومەكتەسەتىن تەحنولوگيالاردى جاساپ شىعارىپ، ونى قولدانىسقا ەندىرۋمەن اينالىسپاق. اتاپ ايتقاندا، Microsoft Sustainability Calculator جاڭا قۇرالى Power BI-داعى ناتيجەلەردى ۆيزۋاليزاتسيالاۋ ارقىلى Azure بۇلتىن قولدانۋدان شىققان كومىرتەك ەميسسياسىنىڭ كولەمىن بولجاي الادى. بۇل كليەنتتەرگە قازىرگى قالدىقتاردىڭ كولەمىن ولشەپ، بۇلتقا تولىقتاي كوشۋدەن ەكولوگياعا تيەتىن پايدانىڭ الەۋەتىن باعالاۋعا كومەكتەسپەك. كەلەسى جىلى Microsoft ساتىپ الۋ جانە لوگيستيكا ۇدەرىستەرىنە ەكولوگيالىق قاعيداتتاردى ينتەگراتسيالاۋعا نيەتتى، بۇل قامتاماسىز ەتۋشىلەر شىعاراتىن كومىرتەك كولەمىن قىسقارتۋعا جاعداي تۋدىرادى.

سونداي-اق Microsoft جىل سايىن Environmental Sustainability Report ەسەبىن جاريالاۋدى كوزدەپ وتىر، بۇل ەسەپتە جۇرگىزىلگەن جۇمىس تۋرالى ستاتيستيكا كەلتىرىلەدى. سونداي-اق كومپانيا قىزمەتكەرلەرى كليماتتى ساقتاۋدا كۇش بىرىكتىرۋ ءۇشىن بۇكىل جاعدايدى جاساۋعا ىقىلاستى ەكەندىگىن مالىمدەدى. باستاما تۋرالى تولىعىراق اقپاراتتى كومپانيا بلوگىنان وقۋعا بولادى.

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار