حاكىمنىڭ مەرەيتويىنا وراي, ش.ءۋاليحانوۆ اتىنداعى جامبىل وبلىستىق امبەباپ-عىلىمي كىتاپحاناسىندا «اباي مۇراسى» اتتى تۇراقتى كىتاپ كورمەسى ۇيىمداستىرىلدى. مۇندا اباي شىعارمالارى, اقىن جايلى جازىلعان كىتاپتار, ماقالالار, عىلىمي زەرتتەۋ ەڭبەكتەرى قويىلعان. ويشىلدىڭ مول مۇراسىنا قىزىعۋشىلار اتالعان كورمەگە كوپتەپ كەلۋدە. كەز-كەلگەن وقىرمان كىتاپحاناعا كەلىپ, ۇلى اقىننىڭ ۇلاعاتتى مۇرالارىمەن, ول تۋرالى جازىلعان ەڭبەكتەرمەن تانىسا الادى. سونداي-اق اتالعان كورمە قاتارىندا پرەزيدەنت قاسىم-جومارت توقاەۆتىڭ جاقىندا رەسپۋبليكالىق «Egemen Qazaqstan» گازەتىندە جاريالانعان «اباي جانە ءححى عاسىرداعى قازاقستان» جانە پرەزيدەنتتىڭ ءباسپاسوز حاتشىسى بەرىك ءۋاليدىڭ «اباي مەن الاش» اتتى ماقالالارى دا بار.
كىتاپحانا قىزمەتكەرلەرى الداعى ۋاقىتتاردا اباي قۇنانباي ۇلىنىڭ ولەڭدەرى مەن قاراسوزدەرىن وقىپ, اندەرىن ورىنداپ, وبلىستىڭ بارلىق كىتاپحانالارىنا چەللەندج ەستافەتاسىن جولدايدى. سونداي-اق كىتاپحاناشىلار جىل بويى ولاردى فەيسبۋك, ينستاگرام الەۋمەتتىك جەلىلەرىنە تۇراقتى تۇردە جاريالاپ تۇراتىنىن ايتتى. «كىتاپحانانىڭ كىتاپ قورىنداعى قۇندى باسىلىمداردى پايدالانا وتىرىپ, حاكىم ابايدىڭ كىتاپتارى مەن اقىن تۋرالى جازىلعان ەڭبەكتەردەن بەكستەيدج ازىرلەنەدى. ولار دا الەۋمەتتىك جەلىلەرگە جىل بويى جاريالانىپ تۇراتىن بولادى. اباي پوەزياسى – دانالىقتىڭ, ماحاببات پەن ادالدىقتىڭ پوەزياسى, ونىڭ مول مۇراسىن جاڭاشا ۇعىنۋ جالعاسىپ, كىتاپحانا ءوز وقىرماندارىنا اباي مۇراسىن ناسيحاتتاۋ جۇمىسىن تىڭعىلىقتى تۇردە جالعاستىرا بەرەدى» دەيدى كىتاپحانا ديرەكتورى ەلميرا ابدينوۆا.
