قازاقستان • 22 قاڭتار، 2020

قازاقستاندا «اقىلدى» وڭىرلەردىڭ رەيتينگى قۇرىلدى

25 رەتكورسەتىلدى

تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى وڭىرلەردىڭ تسيفرلاندىرۋ سالاسىندا جۇرگىزگەن جۇمىستارىنا باعا بەردى. نۇر-سۇلتان، الماتى جانە ورال قالالارى كوشباسشىلار قاتارىنا ەندى. بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ءباسپاسوز قىزمەتى حابارلادى.

«زەرتتەۋگە 14 وبلىس ورتالىعى مەن رەسپۋبليكالىق ماڭىزى بار 3 قالا قاتىستى. باعالاۋ 11 ءتۇرلى باعىت پەن 80 كورسەتكىشتەن تۇراتىن «اقىلدى قالالار» ەتالوندىق ستاندارتى نەگىزىندە جۇرگىزىلدى. ولار دەنساۋلىق ساقتاۋ، ءبىلىم بەرۋ، تۇرعىن ءۇي-كوممۋنالدىق شارۋاشىلىعى، كولىك، ەكولوگيا، الەۋمەتتىك  جانە ت.ب. سالالاردى تسيفرلاندىرۋ باستامالارىنا قاتىستى.

تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى ابىلايحان وسپانوۆتىڭ ايتۋىنشا، رەيتينگ وڭىرلەردى «تسيفرلىق» بەلسەندىلىكتى ارتتىرۋعا ىنتالاندىرۋ ءۇشىن قاجەت.

اتاپ ايتقاندا، رەيتينگتى قۇرۋ كەزىندە اكىمدىكتەردىڭ مەملەكەتتىك قىزمەتتەردى اۆتوماتتاندىرۋى، تۇرعىن ۇيلەرگە «اقىلدى» ەسەپتەۋىش قۇرالدارىنىڭ ورناتىلۋى، تىركەلگەن ستارتاپتاردىڭ سانى، زياتكەرلىك كولىك جۇيەسىنىڭ ەنگىزىلۋى، قوعامدىق كولىكتىڭ باعىت-باعدارىن مونيتورينگتەۋ جانە ت.ب. ارنالعان قوسىمشالاردىڭ قولجەتىمدىلىگى  نازارعا الىندى.

ۆيتسە-مينيستر ابىلايحان وسپانوۆتىڭ ايتۋىنشا، بۇل رەيتينگ وڭىرلەردىڭ «تسيفرلىق» بەلسەندىلىگىن ارتتىرۋعا باعىتتالعان.

«تسيفرلىق قازاقستان» مەملەكەتتىك باعدارلاماسى ەكى جىل بۇرىن قابىلدانىپ، وڭىرلەردە بىرقاتار جوبا جۇزەگە اسىرىلدى. ارينە، ولاردىڭ كەيبىرى ءتيىمدى بولسا، كەيبىرىنىڭ ناتيجەسى تومەن بولدى. تسيفرلاندىرۋ سالاسىنداعى جالپى جاعدايدى كورسەتۋ ءۇشىن ءبىز وسى رەيتينگتى ازىرلەدىك. بۇل سونداي-اق وڭىرلەردىڭ «تسيفرلىق» دامۋىن ىنتالاندىرۋ ءۇشىن قاجەت» دەپ اتاپ ءوتتى وسپانوۆ.

رەيتينگتە ءبىرىنشى ورىنعا نۇر-سۇلتان قالاسى يە بولسا، ەكىنشى ورىندى الماتى، ءۇشىنشى ورىندى ورال قالاسى يەلەندى.

«رەيتينگ جىل سايىن قۇرىلادى. 2019 جىلعى رەيتينگتىڭ ناتيجەسىمەن تانىسا الاسىزدار» دەلىنگەن حابارلامادا.

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار