ايماقتار • 22 قاڭتار، 2020

تۇركىستان وبلىسىندا 4 مىڭنان استام مەكتەپ قىزمەتكەرلەرى ەلەكتروندى جۇيەمەن جۇمىسقا ورنالاسقان

40 رەتكورسەتىلدى

تۇركىستان وبلىسىنداعى بارلىق مەكتەپتە جۇمىسقا قابىلداۋدىڭ اۆتوماتتاندىرىلعان jumys.snation.kz جۇيەسى ەندىرىلگەن. اتالعان جۇيە جالپى ورتا ءبىلىم بەرۋ ۇيىمدارى پەداگوگتارىن جۇمىسقا قابىلداۋدى جانە كونكۋرستىق تاعايىنداۋ بارىسىن اۆتوماتتاندىرادى. بۇل تۋرالى تۇركىستان وبلىسى اكىمدىگىنىڭ ءباسپاسوز قىزمەتى حابارلادى.

جۇيەدە ءبىلىم ۇيىمدارىنداعى تەحنيكالىق قىزمەتكەرلەردىڭ بوس ورىندارى جايلى حابارلامالار ورنالاستىرىلادى. قازىرگى تاڭدا جۇيەدە پەداگوگتار مەن تەحنيكالىق قىزمەتكەرلەردىڭ بوس 11 008 جۇمىس ورنى تۋرالى حابارلاما ىلىنگەن. ايتا كەتەرلىگى، وتكەن جىلى وڭىردە 4282 ادام وسى جۇيە ارقىلى جۇمىسقا ورنالاسقان.

سونداي-اق بىلتىر وبلىستا پەداگوگ كادرلاردى اتتەستاتتاۋ العاش رەت ەلەكتروندى تۇردە وتكىزىلدى. جۇيە ارقىلى پەداگوگ ءوزىنىڭ جەتىستىكتەرى تۋرالى مالىمەتتەردى وزدەرىنە بەرىلگەن لوگين جانە پارول ارقىلى كىرىپ ءوتىنىش جىبەرىپ، اتالعان ءوتىنىشتى ساراپتامالىك كوميسسيا مۇشەلەرى قاراپ ءوز باعالارىن بەرەدى.

وبلىس بويىنشا «Bilimland» تسيفرلىق ءبىلىم بەرۋ جۇيەسىنە 100 پايىز مەكتەپتەر قوسىلعان. 2018 جىلدىڭ قىركۇيەك ايىنان باستاپ بۇگىنگى كۇنگە دەيىن 751 304 ساباق قارالىمى بولعان، ونىڭ ىشىندە «BilimLand» – 237511، «Twig» – 17347، «iTest» – 462446، «iMektep»– 34000. سونىمەن قاتار، 2018 جىلى وبلىستىق بيۋدجەتتەن تسيفرلىق ءبىلىم بەرۋ رەسۋرستارىمەن قامتىلعان 1700 دانا «Bilim Book» كومپيۋتەر-پلانشەت ساتىپ الىنىپ، شالعاي جەردە ورنالاسقان ينتەرنەت جىلدامدىعى تومەن 235 مەكتەپكە بەرىلگەن.

سونىمەن قاتار وبلىستاعى 1453 مەكتەپكە دەيىنگى ءبىلىم بەرۋ ۇيىمدارىندا (1214 بالاباقشا، 697 شاعىن ورتالىق) 147 337 بالا بار. ۆalabaqsha.snation.kz پورتالىنا قوسۋ ارقىلى 2019 جىلدىڭ سوڭىنا دەيىن مەكتەپكە دەيىنگى ءبىلىم بەرۋ ۇيىمدارىنا جولداما بەرۋ جانە كەزەككە قويۋدى اۆتوماتتاندىرۋ كورسەتكىشى 100 پايىزعا جەتتى.

بۇدان وزگە، «نۇر وتان» پارتياسىنىڭ باستاماشىلىق ەتۋىمەن «بالالار ءۇشىن تەگىن ءىت-سىنىپتار» جوباسى ۇسىنىلعان بولاتىن. بۇل ءىت-سىنىپتاردا بالالار باعدارلامالاۋ داعدىلارىنا، قاراپايىم الگوريتمدەر قۇراستىرۋعا، Web-سايت جانە كومپيۋتەرلىك ويىندار مەن انيماتسيالاردى قۇرۋدى ەۆروپالىق ستاندارتتارمەن ۇيرەنەدى. جالپى 2018 جىلى 20 تەگىن ءىت-سىنىپتار اشىلسا، 2019 جىلى – 30، 2020 جىلى 50 ءىت-سىنىپتار اشۋ جوسپارلانۋدا.

سوڭعى جاڭالىقتار

ۇقساس جاڭالىقتار