بوكس • 22 قاڭتار، 2020

بوكس: ۋحان قالاسىندا وتەتىن ازيا ايماقتىق ىرىكتەۋ ءتۋرنيرى كەيىنگە شەگەرىلدى

36 رەتكورسەتىلدى

قىتايدىڭ ۋحان قالاسىندا ءوتۋى ءتيىس بوكستان ازيا ايماقتىق ىرىكتەۋ تۋرنيرىنە بەلگىسىز ۋاقىتقا كەيىنگە شەگەرىلدى. بۇل تۋرالى Olympic.kz  حابارلادى. 

«3-14 اقپان ارالىعىندا بوكستان ازيا/وكەانيا ايماقتىق ىرىكتەۋ ءتۋرنيرى قىتايدىڭ ۋحان قالاسىندا ءوتۋى ءتيىس بولاتىن. اتالعان تۋرنيردە ەرلەر مەن ايەلدەردى قوسا ەسەپتەگەندە توكيو وليمپياداسىنىڭ 63 ليتسەنزياسى ساراپقا سالىنادى دەپ كۇتىلگەن. 

بۇگىن تاڭەرتەڭ اككرەديتاتسيادان وتكەن مەديا وكىلدەرىنە ارنالعان حاتتا (ونىڭ ىشىندە Olympic.kz رەداكتسياسىنىڭ جۋرناليستەرى دە بار) ىرىكتەۋ ءتۋرنيرىنىڭ بەلگىسىز ۋاقىتقا اۋىستىرىلعانى ايتىلعان. ۇيىمداستىرۋ كوميتەتىنىڭ مالەمدەۋىنشە، ءارى قارايعى اقپاراتتى حالىقارالىق وليمپيادا كوميتەتى تاراتادى. 

«ۋحان قالاسىندا پنەۆمونيانىڭ اسقىنۋىنا سەبەپ بولعان كوروناۆيرۋستىڭ تارالۋىنا بايلانىستى، ادامداردىڭ دەنساۋلىعىنا نۇقسان كەلتىرمەۋ ماقساتىندا جەرگىلىكتى ۇيىمداستىرۋ كوميتەتى ءتۋرنيردى كەيىنگە قالدىرۋدى ءجون كوردى» دەلىنگەن حاتتا. 

ايتا كەتەلىك، 2020 جىلعى توكيو وليمپياداسىنا ىرىكتەۋ ءتۋرنيرى جاڭا ەرەجە بويىنشا وتكىزىلەدى. جاڭا ەرەجەگە سايكەس، بوكسشىلار تورتجىلدىق دوداسىنا جولداما الۋ ءۇشىن قۇرلىقتىق ىرىكتەۋ سىندارىندا باق سىناۋ قاجەت. 2020 جىلدىڭ اقپانى مەن مامىرى ارالىعىندا بوكستان قۇرلىقتىق جانە الەمدىك ىرىكتەۋ تۋرنيرلەرى ۇيىمداستىرىلادى. افريكاداعى باسەكە 2020 جىلدىڭ 20-29 اقپانى ارالىعىندا داكاردا (سەنەگال)، ەۋروپاداعى ىرىكتەۋ سىنى 13-23 ناۋرىز كۇندەرى لوندوندا ( ۇلىبريتانيا) وتەدى.  امەريكالىقتار 23 ناۋرىز بەن 3 ءساۋىر ارالىعىندا بۋەنوس-ايرەستە (ارگەنتينا) جولداماعا تالاسادى. ال الەمدىك ىرىكتەۋ ءتۋرنيرى مامىر ايىندا فرانتسيانىڭ پاريج قالاسىندا ۇيىمداستىرىلادى» دەلىنگەن حابارلامادا.

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار