جيىندا ءسوز العان قازاقستاننىڭ تۇڭعىش پرەزيدەنتى ن.نازارباەۆ ازاماتتاردىڭ تۇرعىن ءۇي قۇقىقتارىن ىسكە اسىرۋ ماسەلەسى مەملەكەتتىڭ الەۋمەتتىك ساياساتىنىڭ باسىم باعىتى ەكەندىگىنە توقتالدى. سونداي-اق ەلباسى مەملەكەتتىك الەۋمەتتىك ساياسات تۇرعىسىنان زاڭنامالىق بازانى جەتىلدىرۋ ەرەكشە ماڭىزعا يە ەكەنىن اتاپ كورسەتتى.
سونىمەن قاتار تۇرعىن ءۇي قۇقىعىن ىسكە اسىرۋ ماسەلەسى حالىقتىڭ ءال-اۋقاتىنا تىكەلەي بايلانىستى ەكەندىگىن ايتتى.
«مەنىڭ تاپسىرمام بويىنشا بىرنەشە مەملەكەتتىك باعدارلاما ىسكە اسىرىلدى. بۇرىن باسپانا ساتىپ الۋعا مۇمكىندىگى بولماعان قازاقستاندىقتار ءۇشىن تۇرعىن ءۇيدىڭ قولجەتىمدىلىگى قامتاماسىز ەتىلدى», دەدى نۇرسۇلتان نازارباەۆ.
ەلباسى اتا زاڭدى قۇرمەتتەۋ جانە قاتاڭ ساقتاۋ ەلدىڭ ءساتتى دامۋىنىڭ كەپىلى ەكەندىگىن جانە كونستيتۋتسيانىڭ 25 جىلدىق مەرەيتويى قارساڭىندا بۇل ماسەلەنىڭ وزەكتىلىگى ارتىپ وتىرعاندىعىن تىلگە تيەك ەتتى.
كونستيتۋتسيالىق كەڭەستىڭ توراعاسى قايرات ءمامي بۇل وتىرىس ەلىمىزدىڭ كونستيتۋتسيالىق دامۋى تاريحىندا ايتۋلى وقيعا ەكەنىن ويتكەنى ول ازاماتتاردىڭ كونستيتۋتسيالىق قۇقىقتارىن قامتاماسىز ەتۋمەن تىعىز بايلانىستى ەكەنىن جەتكىزدى.
– قازاقستان رەسپۋبليكاسى كونستيتۋتسياسى 71-بابىنىڭ 1-تارماعىنا سايكەس قازاقستاننىڭ تۇڭعىش پرەزيدەنتى – ەلباسى كونستيتۋتسيالىق كەڭەستىڭ عۇمىر بويى مۇشەسى, – دەدى ق.ءمامي.
زاڭنىڭ اتالعان نورماسى جەتىلمەگەنى جانە ازاماتتاردىڭ كونستيتۋتسيالىق قۇقىقتارىن جۇزەگە اسىرۋعا كەدەرگى كەلتىرۋى مۇمكىن ەكەندىگى قوزعالدى.
ءىس-شارا بارىسىندا ۇكىمەت, پارلامەنت سەناتى جانە ءماجىلىسى, جوعارعى سوت, باس پروكۋراتۋرا وكىلدەرى مەن ساراپشىلاردىڭ پىكىرى تىڭدالدى.
ءوز كەزەگىندە جوعارعى سوت توراعاسى جاقىپ اسانوۆ: ء«بىز كونستيتۋتسيالىق كەڭەسكە ءوزىمىزدىڭ قورىتىندىمىزدى جىبەردىك. قورىتىندىدا ارنايى تالداۋ قامتىلعان. وندا ادام قۇقىعىن جانە بوستاندىعىن قورعاۋدىڭ نەگىزگى قاعيداتتارى, سونداي-اق مەملەكەتتىڭ كونستيتۋتسيالىق كەپىلدىگى, سونىڭ ىشىندە ازاماتتاردى تۇرعىن ۇيمەن قامتۋ ماسەلەسى بار», دەي كەلىپ, كونستيتۋتسيالىق كەڭەستەن وسى ماسەلە-
گە مۇقيات قاراۋدى سۇرادى.
وتىرىستا ءماجىلىس توراعاسىنىڭ ورىنباسارى گۇلميرا يسيمباەۆا ەلباسى باستاماسىمەن قولعا الىنعان «7-20-25», «باقىتتى وتباسى», «تۇر-عىنۇيقۇرىلىسجيناقبانكىنىڭ» باعدارلامالارى, سونداي-اق «نۇرلى جەر» باعدارلاماسى اياسىندا جۇمىس ىستەپ جۇرگەن جاستاردى تۇرعىن ۇيمەن قامتاماسىز ەتۋ ءىسى بويىنشا ءتيىستى شارالار قابىلدانىپ جاتقانىن ايتا كەلىپ, «قازاقستان ءوزىنىڭ حالىقارالىق مىندەتتەمەلەرىن تولىق ورىنداپ وتىر دەي الامىز. ازاماتتاردى تۇرعىن ۇيمەن قامتاماسىز ەتۋ, جاعداي جاساۋ كونستيتۋتسيالىق نورما زاڭ جۇزىندە ىسكە اسىرىلىپ كەلەدى. بۇل زاڭنىڭ قابىلدانعانىنا 22 جىل بولعانىن ءبارىمىز بىلەمىز. الداعى ۋاقىتتا قۇقىق قولدانۋ تاجىريبەسىندە ەكىۇداي تۇسىنىكتى بولدىرماۋ جانە قاتەلىككە جول بەرمەۋ ءۇشىن وسى نورماعا ءتيىستى تۇزەتۋلەر ەنگىزۋ مۇمكىن ەكەنىن دە جوققا شىعارمايمىز», دەدى.
جيىنعا قاتىسۋشىلاردىڭ پىكىرلەرى مەن جاۋاپتارىنان كەيىن كونستيتۋتسيالىق كەڭەس نورماتيۆتىك قاۋلى قابىلدادى. اتالعان قاۋلى باسىلىمداردا جاريالانادى.
