ايماقتار • 21 قاڭتار، 2020

تاراز تۇرعىندارى باسپانالى بولدى

31 رەتكورسەتىلدى

مەملەكەت باسشىسى قاسىم-جومارت توقاەۆتىڭ حالىقتى تۇرعىن ۇيمەن قامتۋ باعدارلاماسى جامبىل وبلىسىندا جوعارى دەڭگەيدە جۇزەگە اسۋدا. وسى ورايدا، تاراز قالاسىنداعى جاڭا 15-شاعىن اۋداندا 80 پاتەرلى كوپقاباتتى تۇرعىن ءۇي پايدالانۋعا بەرىلدى.

وبلىس ورتالىعىنداعى №28 كوپپاتەرلى ارەندالىق تۇرعىن ءۇيدى تالاي جىلدان بەرى باسپانا كەزەگىندە تۇرعان ازاماتتار الدى. پاتەرگە يە بولعان ازاماتتار ساتىپ الۋ قۇقىعىنسىز جالداپ تۇرا الادى. اتالعان نىساننىڭ قۇرىلىسىن «اگروسپەتسستروي» جاۋاپكەرشىلىگى شەكتەۋلى سەرىكتەستىگى جۇرگىزگەن.

جالپى، «نۇرلى جەر» باعدارلاماسى اياسىندا اتالعان شاعىن اۋداندا بارلىعى 280 كوپپاتەرلى جانە 969 جەكە تۇرعىن ءۇي سالۋ جوسپارلانعان. وتكەن جىلى وندا 26 تۇرعىن ءۇي نەمەسە 1300 پاتەر ەل يگىلىگىنە بەرىلگەن بولسا، اعىمداعى جىلى 29 ءۇيدىڭ قۇرىلىسى جۇرگىزىلەدى.

سونداي-اق، كوپبالالى وتباسىلارعا ارنالعان «باقىتتى وتباسى» باعدارلاماسى بويىنشا  وتكەن جىلى 323 پاتەر بەرىلدى. جەرگىلىكتى بيۋدجەتتەن بولىنگەن 1 ميلليارد 360 ميلليون تەڭگەگە قايتالاما نارىقتان 144 پاتەر ساتىپ الىنعان.

سونىمەن قاتار، وبلىس بويىنشا باسپاناعا مۇقتاج از قامتىلعان جانە كوپبالالى وتباسىن تۇرعىن ۇيمەن قامتاماسىز ەتۋ ماقساتىندا بۇعان دەيىن 8 كوپپاتەرلى جاتاقحانا پايدالانۋعا بەرىلسە، تاعى 4 جاتاقحانانىڭ قۇرىلىسى جۇرگىزىلۋدە. ول جاتاقحانالاردىڭ ىشكى قۇرىلىسى ەكى بولمەلى پاتەرلەردەن تۇرادى. ءبىر پاتەردىڭ جالپى اۋدانى 35-40 شارشى مەتردى قۇرايدى. ءار پاتەردە زال جانە جاتىن بولمەلەر، سونداي-اق، ءوز اس ءۇيى، اجەتحاناسى مەن جۋىناتىن بولمەسى بار. جالپى، بۇگىنگى تاڭدا تۇرعىن ءۇي كەزەگىندە 18565 ادام تۇر. ونىڭ ىشىندە 1784 كوپبالالى وتباسى، 8593 الەۋمەتتىك وسال توپتارعا جاتاتىن ازاماتتار بار.

 

جامبىل وبلىسى

 

 

 

   

 

 

سوڭعى جاڭالىقتار

ۇقساس جاڭالىقتار