«مۇرات دۇيسەنبەك ۇلى ايتەنوۆ شىمكەنت قالاسىنىڭ اكىمى بولىپ تاعايىندالسىن» دەلىنگەن اقوردانىڭ ءباسپاسوز قىزمەتى جاريالاعان حابارلامادا.
مۇرات ايتەنوۆ 1981 جىلى تۋىلعان. ءبىلىمى جوعارى, ماماندىعى بويىنشا «ۇيىمداستىرۋ جانە اقپاراتتى قورعاۋ تەحنولوگياسى» جانە زاڭتانۋ. ەڭبەك جولىن استانا قالاسىندا 2004 جىلى قر قورعانىس مينيسترلىگى جانىنداعى ارنايى بايلانىس ءبولىمىنىڭ كەزەكشىلىك اۋىسىمىنىڭ اعا ينجەنەر-باستىعى بولىپ باستاعان.
2006-2008 ج. – قر ءپىب «استانا-ءونىم» اق شارۋاشىلىق اۋلاسىنىڭ مەڭگەرۋشىسى.
2008-2010 ج. – قر ءپىب ۆەدومستۆولىق قاراستى ۇيىمداردى باسقارۋ جونىندەگى ءبولىمنىڭ وندىرىستىك قىزمەتتى ۇيلەستىرۋ سەكتورىنىڭ ساراپشىسى.
2010-2012 ج. – قر پرەزيدەنتى ءىس باسقارماسىنىڭ رەسمي ءىس-شارالار جانە سىرتقى بايلانىستار ءبولىمى مەڭگەرۋشىسىنىڭ ورىنباسارى.
2012-2013 ج. – قر پرەزيدەنتى ءىس باسقارماسىنىڭ رەسمي ءىس-شارالار جانە سىرتقى بايلانىستار ءبولىمىنىڭ مەڭگەرۋشىسى.
2013-2016 ج. - قر پرەزيدەنتى ءىس باسقارماسىنىڭ اپپارات باسشىسى.
2016-2019 جىلدىڭ جەلتوقسانىنا دەيىن - قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى قىزمەتىن اتقارسا, 2019 جىلدىڭ جەلتوقسانىنان باستاپ بۇگىنگە دەيىن شىمكەنت قالاسى اكىمىنىڭ ءبىرىنشى ورىنباسارى بولعان.
سونداي-اق مەملەكەت باسشىسىنىڭ جارلىعىمەن ەرلان قۋانىش ۇلى ايتاحانوۆ شىمكەنت قالاسىنىڭ اكىمى قىزمەتىنەن بوساتىلدى.
