رۋحانيات • 21 قاڭتار، 2020

قوعام قايراتكەرى كامال بۇرحانوۆ ومىردەن وزدى

162 رەتكورسەتىلدى

بۇل جايىندا سەنات دەپۋتاتى مۇرات باقتيار ۇلى Facebook پاراقشاسىندا ءبولىستى.

 

«جالعان ءومىراي... ۇستازىم، دوسىم، ارىپتەسىم كامال بۇرحانوۆ دۇنيەدەن وزىپتى. سوڭعى ەكى جىل توسەك تارتىپ جاتىپ كالعان ەدى. ماعريپا جەڭگەم كولدان كەلگەنشە بارلىعىن جاسادى. امال نەشىك، ءبارى ءبىر جاراتقاننىڭ قولىندا. باقۇل بول ادال دوس. جانىڭ ءجانناتتا بولعاي كامال اعا!» دەپ جازدى مۇرات باقتيار ۇلى. 

عالىم، ساياساتتانۋ عىلىمدارىنىڭ دوكتورى، پروفەسسور كامال نيزام ۇلى بۇرحانوۆ كامال نيزام ۇلى 1954 جىلى دۇنيەگە كەلگەن.

1977 جىلى تاشكەنت ۋنيۆەرسيتەتىن، 2003 جىلى ماسكەۋ مەملەكەتتىك الەۋمەتتىك ۋنيۆەرسيتەتىن بىتىرگەن. 1977– 1978 ءجىلدارى ا.قاستەەۆ اتىنداعى ونەر مۋزەيىندە عىلىمي قىزمەتكەر، 1978–1979 جىلدارى ش.ۋاليحانوۆ اتىنداعى تاريح، ارحەولوگيا جانە ەتنوگرافيا ينستيتۋتىندا اعا لابورانت، 1979–2002 جىلدارى قازمۋ-دە (قازىرگى قازۇۋ) اعا لابورانت، اسسيستەنت، اعا وقىتۋشى، دوتسەنت، پروفەسسور، دەكاننىڭ ورىنباسارى، تاريح فاكۋلتەتىنىڭ ساياسي تاريح كافەدراسىنىڭ مەڭگەرۋشىسى، تاريح فاكۋلتەتىنىڭ دەكانى، فيلوسوفيا جانە ساياساتتانۋ فاكۋلتەتىنىڭ دەكانى، ساياساتتانۋ كافەدراسىنىڭ مەڭگەرۋشىسى بولىپ ىستەدى.

2002–2004 جىلدارى اباي اتىنداعى الماتى مەملەكەتتىك ۋنيۆەرسيتەتىنىڭ (قازىرگى قازۇپۋ) زاڭ فاكۋلتەتىنىڭ دەكانى، 2004–2006 جىلدارى پرەزيدەنت اكىمشىلىگىندە باس ەكسپەرت، 2006–2007 جىلدارى ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى قىزمەتتەرىن اتقاردى.

2007-2011 جىلدارى - قر IV سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى.

2012 جىلعى قاڭتاردان باستاپ - V سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، الەۋمەتتىك-مادەني دامۋ كوميتەتىنىڭ مۇشەسى. «نۇر وتان» حدپ پارتيالىق ءتىزىمى بويىنشا سايلانعان.

كامال بۇرحانوۆ – قازىرگى زامانعى قازاقستان تاريحى جانە ساياساتتانۋ عىلىمى بويىنشا رەسپۋبليكاداعى جەتەكشى مامانداردىڭ ءبىرى. 40 استام عىلىمي جۇمىستاردىڭ، كىتاپتاردىڭ، ماقالالار مەن وقۋ قۇرالدارىنىڭ اۆتورى. بىرنەشە مەدالدارمەن ماراپاتتالعان.

 

سوڭعى جاڭالىقتار

ۇقساس جاڭالىقتار