تاعايىنداۋ • 21 قاڭتار، 2020

الماتىنىڭ قوس اۋدانىنا جاس اكىمدەر تاعايىندالدى

199 رەتكورسەتىلدى

الماتى قالاسى اكىمىنىڭ وكىمىمەن، پرەزيدەنت اكىمشىلىگىنىڭ جانە قالالىق ءماسليحات دەپۋتاتتارىنىڭ كەلىسىمىمەن الاتاۋ جانە تۇركسىب اۋداندارىنىڭ اكىمدەرى بولىپ ازامات قالدىبەكوۆ جانە باقىتجان اقجاروۆ تاعايىندالدى.

اۋدانداردىڭ جاڭا اكىمدەرىن تانىستىرعان الماتى قالاسىنىڭ اكىمى باقىتجان ساعىنتاەۆ ولاردىڭ پرەزيدەنتتىك جاستار كادر رەزەرۆىنىڭ وكىلدەرى ەكەنىن اتاپ كورسەتتى.

«مەملەكەت باسشىسىنىڭ دارىندى جاستار ءۇشىن اشىق جانە ءتيىمدى الەۋمەتتىك ليفت قۇرۋ جونىندەگى يدەياسى ىسكە اسۋدا. الماتىدان رەزەرۆتەر قاتارىنا 39 ادام ەندى. بۇگىنگى كانديداتتار – اۋداندار اكىمدەرى بولىپ قىزمەت اتقارۋعا بارىنشا دايىندىقتان وتكەندەر. ءبىز ولاردان اتالعان اۋدانداردا تۇراتىن الماتىلىقتاردىڭ ءومىر ءسۇرۋ ساپاسىن جاقسارتۋدا ناتيجەلى جۇمىستاردى كۇتەمىز»، - دەپ اتاپ ءوتتى باقىتجان ساعىنتاەۆ.

الاتاۋ اۋدانىنىڭ جاڭا اكىمى ازامات قالدىبەكوۆ بۇگىنگى كۇنگە دەيىن الماتى قالاسى جەر قاتىناستارى باسقارماسى باسشىسىنىڭ ورىنباسارى لاۋازىمىندا بولدى. ال تۇركسىب اۋدانىنا اكىم بولىپ تاعايىندالعان باقىتجان اقجاروۆ الماتىنىڭ تۇرعىن ءۇي ساياساتى باسقارماسىنىڭ باسشىسى قىزمەتىن اتقارعان.

 

الماتى

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار