كاسىبي مەملەكەتتىك اپپارات مەملەكەتتىك قىزمەتشىنىڭ جوعارى بىلىكتىلىگىنە نەگىزدەلسە, حالىق ءۇنىن تىڭداي ءبىلۋ لاۋازىمدى ادامداردىڭ ءوزى ىسىنە دەگەن ۇلكەن جاۋاپكەرشىلىكتى سەزىنۋىنە بايلانىستى.
پرەزيدەنتتىك جاستار كادرلىق رەزەرۆ قۇرامىمەن كەزدەسكەن ەل پرەزيدەنتى ق.توقاەۆ الاش ارداقتىسى ءاليحان بوكەيحانوۆتىڭ «ۇلتقا قىزمەت ەتۋ بىلىمنەن ەمەس, مىنەزدەن» دەگەن مازمۇنى تەرەڭ سوزىنە توقتالىپ, بۇل ءسوزدىڭ قانشا زامان وتسە دە وزەكتىلىگى جويىلماي ءمانى ارتا تۇسەتىنىن باسا ايتتى.
مىنەز ادامنىڭ ىشكى الەمىنىڭ ايناسى. ءجۇسىپ بالاساعۇن «كىسىگە ەكى دۇنيەدە پايدالى – ىزگى ءىس نەمەسە مىنەزى تۇزۋلىك. ەكىنشىسى – ۇيات, ءۇشىنشىسى – ادىلدىك. بۇل ۇشەۋى ارقىلى ادام شىن باقىت تابادى» دەگەن. بۇل تۇستا ۇيات پەن ادىلدىك مىنەزدىڭ سىڭارى ەكەنىن ويدا ۇستاۋ قاجەت. ءبىلىم ىزگىلىككە جۇمسالماسا, ونىڭ پايداسىنان زيانى ارتۋى ابدەن مۇمكىن. سوندىقتان شىعىس دانالىعى ادام مىنەزىنىڭ كوركەمدىگىن الدىڭعى ورىنعا شىعارسا كەرەك.
مەملەكەتتىك قىزمەتشىلەر – ادىلدىك, جوعارى مورالدىق جاۋاپكەرشىلىك, كاسىبي ءبىلىم, ولاردى تاجىريبەدە قولدانا ءبىلۋ, ادالدىق جانە پاراساتتىلىق, بەلسەندى ومىرلىك ۇستانىم سىندى قاسيەتتەرگە يە بولۋى باستى مىندەت. سونىمەن قاتار ولاردىڭ نەگىزگى ميسسياسى ەلگە قىزمەت ەتۋ ەكەنىن ءتۇسىنۋى ءتيىس. مەملەكەتتىك قىزمەت ىستەرى اگەنتتىگى مەملەكەتتىك قىزمەتشىلەر اراسىندا ۇيىمداستىرعان «ەلگە قىزمەت ەتۋ – مىنەزدەن» رەسپۋبليكالىق بايقاۋىنا قاتىسۋشىلار ءدال وسى پىكىردى ورتاعا سالعان ەدى.
ۇزدىك شىعارماشىلىق جۇمىستاردى انىقتاۋ ءۇشىن ارنايى ىرىكتەۋ كوميسسياسى قۇرىلدى. كوميسسيا قۇرامىندا جۇمىس اتقارعان اگەنتتىك توراعاسىنىڭ ورىنباسارى دارحان جازىقباەۆ, پارلامەنت سەناتىنىڭ دەپۋتاتى نۇرتورە ءجۇسىپ, «Egemen Qazaqstan» رەسپۋبليكالىق گازەتى» اق باسقارما توراعاسى دارحان قىدىرالى, «مەملەكەتتىك, بانك مەكەمەلەرى جانە قوعامدىق قىزمەت كورسەتۋ قىزمەتكەرلەرىنىڭ سالالىق كاسىپوداعى» قوعامدىق بىرلەستىگىنىڭ توراعاسى مەيىربولات جاقىپوۆ جانە ل.ن.گۋميلەۆ اتىنداعى ەۇۋ كافەدرا مەڭگەرۋشىسى سەرىكزات دۇيسەنعازى ۇزدىك دەپ تابىلعان شىعارماشىلىق جۇمىستى ىرىكتەپ الدى.
بايقاۋ ماقساتىنا ساي مەملەكەتتىك قىزمەتتىڭ ءيميدجىن كوتەرۋ, مەملەكەتتىك قىزمەتشىلەردىڭ بىلىكتىلىگىن عانا ەمەس, ولاردىڭ ادەپكە نەگىزدەلگەن بەينەسىن قالىپتاستىرۋ تۋراسىندا وي قوزعاعان 200-گە جۋىق شىعارماشىلىق جۇمىس اگەنتتىككە جولداندى. قاتىسۋشىلاردىڭ جۇمىستارى: ۇزدىك ەسسە (ماقالا), ۇزدىك بەينەروليك, ۇزدىك ۇسىنىس نوميناتسيالارى بويىنشا باعالاندى.
بايقاۋعا قاتىسۋشىلار ءوز ەڭبەكتەرىندە ۇلى تۇلعالاردىڭ سوزدەرىن, ونىڭ ىشىندە الەمگە ايگىلى فيلوسوف ءابۋ ناسىر ءال-فارابي, ويشىل حاكىم ابايدىڭ ەڭبەكتەرىنە جۇگىنە وتىرىپ, مازمۇندى شىعارمالار جازىپ شىققان.
اباي قۇنانباي ۇلىنىڭ «تەگىندە ادام بالاسى, ادام بالاسىنان اقىل, عىلىم, ار, مىنەز دەگەن نارسەلەرمەن وزباق» دەگەن ءسوزىن تىلگە تيەك ەتىپ, ءبىلىم مەن مىنەزدىڭ, اردىڭ ادام ومىرىندەگى ورنىنا ەرەكشە توقتالعان.
بۇگىنگى مەملەكەتتىك قىزمەتشىلەر دە حالقىنىڭ مۇددەسى ءۇشىن قىزمەت ەتۋدى وزدەرىنىڭ باستى ومىرلىك قاعيداسى رەتىندە كورە وتىرىپ, ازاماتتىق, ادامگەرشىلىك پارىزدارىن سانالى تۇردە ورىنداۋ ارقىلى ەرەكشەلەنۋى كەرەك.
اتالعان بايقاۋدىڭ قورىتىندىسىنا سايكەس, كەلەسى مەملەكەتتىك قىزمەتشىلەر جەڭىمپاز اتاندى.
«ۇزدىك ەسسە» نوميناتسياسى بويىنشا ءى ورىندى – اتىراۋ وبلىسى قۇرمانعازى اۋدانى دىڭعىزىل اۋىلدىق وكرۋگى اكىمى اپپاراتىنىڭ باس مامانى جاڭىلسىن ۋتەشوۆا, ءىى ورىندى – الماتى وبلىسى پانفيلوۆ اۋدانى ۇلكەناعاش اۋىلدىق وكرۋگىنىڭ اكىمى ەرمەك نۇراحمەتوۆ, ءىىى ورىندى – نۇر-سۇلتان قالاسى سارىارقا اۋدانى اكىمى اپپاراتىنىڭ ىشكى ساياسات جانە الەۋمەتتىك سالا ءبولىمىنىڭ باسشىسى ءابدىراحمان داۋلەنباەۆ يەلەندى. ال «ۇزدىك بەينەروليك» تۇسىرۋدە ءى ورىندى – اقتوبە وبلىسى ويىل اۋداندىق ءبىلىم, دەنە شىنىقتىرۋ جانە سپورت ءبولىمىنىڭ باس مامانى گۇلزات جەتكەرگەنقىزى, ءىى ورىندى – اتىراۋ قالاسى اكىمى اپپاراتىنىڭ ءباسپاسوز حاتشىسى الىبەك ناۋاروۆ, ءىىى ورىندى – تۇركىستان وبلىسى قازىعۇرت اۋدانى قىزىلقيا اۋىلدىق وكرۋگى اكىمىنىڭ باس مامانى باعلان ماۋلەنوۆ قانجىعالادى. سونىمەن بىرگە «تاڭداۋلى ۇسىنىس» نوميناتسياسىندا ءى ورىندى – شىعىس قازاقستان وبلىسى بورودۋليحا اۋدانى باقى اۋىلدىق وكرۋگىءنىڭ باس مامانى نۇرلان الىپباەۆ, ءىى ورىندى – شىمكەنت قالاسى بويىنشا قازىناشىلىق دەپارتامەنتى باسشىسىنىڭ ورىنباسارى قالمۇحانبەت بايساريەۆ, ءىىى ورىندى – ماڭعىستاۋ وبلىسى مۇنايلى اۋداندىق ىشكى ساياسات جانە تىلدەردى دامىتۋ ءبولىمىنىڭ باسشىسى سارا نوعاەۆا كوميسسيا شەشىمىنە سايكەس جەڭىپ الدى.
