قوعام • 21 قاڭتار، 2020

الماتى جاسىل قالاعا اينالادى

28 رەتكورسەتىلدى

الماتى قالاسى جاسىل ەكونوميكا باسقارماسىنىڭ باسشىسى ەرجان سەيتەنوۆ «الماتى قالاسىنىڭ ەرەكشە مارتەبەسى تۋرالى» زاڭىنا ەنگىزىلگەن وزگەرىستەر مەن تولىقتىرۋلار اياسىندا جاسىل قوردى دامىتۋ پەرسپەكتيۆالارى تۋرالى ايتىپ بەردى. بۇل ءباسپاسوز ءماسليحاتىنا «الماتى قالاسىن دامىتۋ ورتالىعى» اق باسقارۋشى ديرەكتورى باتىر ءالىمجانوۆ پەن قازاقستاننىڭ كوگالداندىرۋ قاۋىمداستىعىنىڭ پرەزيدەنتى تاتيانا انتونەنكو قاتىستى.

ەستە بولسا، بىلتىر جەلتوقساندا ەل پرەزيدەنتى قاسىم-جومارت توقاەۆ «الماتى قالاسىنىڭ ەرەكشە مارتە­بەسى تۋرالى» زاڭعا وزگەرىستەر مەن تولىقتىرۋلار ەنگىزۋگە قول قوي­عان ەدى. وسىنىڭ ناتيجەسىندە شا­ھار باسشىلىعى 28 جاڭا قۇزىرەتتى ەن­گى­زۋگە باستاما جاساپ، ونىڭ ىشىندە جا­سىل ەكونوميكانى دامىتۋ ءىسىن اي­رىق­شا نازارعا العان.

الماتى اكىمدىگىنىڭ جاڭا قۇزى­رە­تى­نىڭ ءبىرى – قالانىڭ جاسىل جەلەگىن قور­عاۋدىڭ جەكە ەرەجەسىن ازىرلەۋ مەن بەكىتۋ. جاڭا ەرەجەلەردى ازىرلەۋ مەگا­پوليستىڭ جاسىل قورىن دامىتۋ جونىندەگى جۇمىس تيىمدىلىگىن ارت­تىرا تۇسپەك. مامانداردىڭ سوزى­نە قاراعاندا، جاڭا وزگەرىستەردە بۇ­رىن­نان بار پروبلەمالاردى شەشۋ تەتىك­تەرى ەنگىزىلەدى. ولار – ستاندارت­تار، رەگلامەنتتەر، نۇسقاۋلار، ادىستەمەلىك تۇجىرىمدامالار. بۇ­لار­­دىڭ بار­لى­عى ەلدىمەكەندەردىڭ اۋماعىندا وسەتىن جاسىل جەلەكتى قور­عاۋ، رۇقسات قۇجاتتارى بولماسا دا، اعاش كەسۋ­گە جول بەرگەندەرگە قاي­تا اعاش وتىر­عى­زۋ نورمالارىن رەت­تەۋ سەكىلدى ماسە­لە­لەر­دى قامتيدى.

ە.سەيتەنوۆتىڭ ايتۋىنشا، بۇعان دەيىن اعاشتاردى زاڭسىز كەسۋ كەزىندە جاسىل قورعا كەلتىرىلگەن زالالدى ەسەپتەۋ ادىس­تەمەسى بولعان جوق. جاسار­تۋ، كروندى قالىپتاستىرۋ، جا­سىل جەلەك­تەردى سانيتارلىق كەسۋ ءۇشىن رۇقسات الۋ تالاپ ەتىلمەۋى، بۇل جۇ­­مىستارمەن ناقتى تاجىريبەسى جوق ادامداردىڭ اينالىسۋىنا اكەلىپ سوقتى. ناتيجەسىندە، وسىنىڭ بار­لى­عى جاسىل جەلەكتەردىڭ جاي-كۇيىنىڭ ناشارلاۋىنا الىپ كەلدى.

جاسىل جەلەكتى ۇستاۋ مەن قور­عاۋ­دىڭ جاڭا ەرەجەلەرىنە ونى جاسارتۋ، سانيتارلىق كەسۋ، جاسىل جەلەك­تى كۇ­تىپ-باپتاۋ جونىندەگى تەحنو­لو­گيا­لىق نۇسقاۋلار، زاڭسىز كەسكەنى، جاسىل جەلەككە زالال كەلتىرگەنى ءۇشىن جاۋاپكەرشىلىككە تارتۋ، قالانىڭ جاسىل قورىن قورعاۋ نورمالارى ەنگەن.

ەرجان سەيتەنوۆ بۇل ورايدا جاڭا ەرەجەلەردى ازىرلەۋ ءۇشىن جۇمىس توبى قۇرىلعانىن، ونىڭ قۇرامىنا ساراپشىلار قوعامداستىعىنىڭ، جۇرت­شى­لىق­تىڭ جانە عىلىم وكىلدەرىنىڭ ەنگەنىن ايتتى. الداعى كوكتەم ايلا­رىندا جاسىل الماتىنىڭ جار­قى­­راعان جوباسى باستالاتىنىن جەت­كىز­دى.

جاڭا ەرەجە جوباسىنا بىرقاتار جاڭا نورما ەندى. ونىڭ ىسكە اسا­تىن نەگىزگى بولىگى مىناداي: اعاش­تار­­دى سانيتارلىق كەسۋ، جاسارتۋ قالا اكىمدىگىنىڭ كەلىسىمىمەن عانا جۇر­گىزىلەتىن بولادى; اكىمدىكتىڭ رۇق­ساتىمەن سانيتارلىق جولمەن نەمەسە ادەيى كەسىلگەن اعاشتاردىڭ ورنىنا جاسىل جەلەكتەر قايتا وتىر­عىزىلادى، ماگيسترالدى كوشە­لەر­دىڭ بويىنا دىڭگەگى 20-25 سم بو­لاتىن جاپىراقتى اعاش تۇرلەرى وتىر­عىزىلادى، قىلقان جاپىراقتى اعاش­تاردىڭ بيىكتىگى كەم دەگەندە 2،5 مەتر ء(ى نەمەسە ءىى سىنىپتى ساپا) بولۋى ءتيىس; الىنعان اعاش شىعىنىن وتەۋدىڭ ءادىسى جاسالدى، سونىڭ ناتي­جە­سىندە كەلتىرىلگەن زالالدىڭ ناق­تى­لى باعاسى انىقتالادى; اعاش اپات­تى جاعدايدا الىنسا، ونىڭ ورنى­نا وتىرعىزىلاتىنى – 1-گە 1، ادەيى وتىرعىزىلاتىنى – ءبىرىنىڭ ورنىنا 10، زاڭسىز الىنعانى ءۇشىن – بىرەۋىنىڭ ورنىنا 100; جاسىل جەلەكتەردىڭ كەپىلدەمەلى مەرزىمى – 3 جىل;

باعدارلامالار اكىمگەرلەرى ورتا­لىق قولدانىستاعى جەرلەردەگى جاسىل جەلەكتەردى كوكتەمگى-جازعى جانە جازعى-كۇزگى مەزگىلدەردە ساۋىقتىرۋ ءارى زيانكەستەردەن جانە ءتۇرى اۋرۋلاردان قورعاۋ ءۇشىن كەم دەگەندە 4 رەت ناق­تىلى شارالاردى جۇزەگە اسىراتىن بولادى.

ەرەجەلەر جوباسى جەرگىلىكتى اق­پا­رات قۇرالدارى ارقىلى تالقى­لا­نىپ، ونىڭ ىشىندە قالالىق جاسىل ەكونوميكا باسقارماسىنىڭ رەسمي سايتىندا دا جاريالانادى. سونداي-اق نيەت بىلدىرۋشىلەردىڭ بارلىعى جاسىل قوردى جاقسارتۋ جونىندەگى جەكە ۇسىنىستارىن جىبەرە الادى.

«جۇرتشىلىقپەن، «اتامەكەن» ۇكپ-مەن جانە باسقا دا مۇددەلى ورگاندارمەن، ۇيىمدارمەن كەلىسىلگەن سوڭ جاسىل جەلەكتى ۇستاۋ جانە قور­عاۋ جونىندەگى جاڭا ەرەجەلەردى بە­كىتۋ ءۇشىن الماتى قالاسىنىڭ ءماس­لي­حا­تى­نا ۇسىنىلادى»، دەپ اتاپ ءوتتى ە.سەيتەنوۆ.

 

 

الماتى

 

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار