قازاقستان ونەرى اۋىر قازاعا ۇشىرادى. 2013 جىلدىڭ 1 تامىزىندا 87 جاسقا قاراعان شاعىندا بەلگىلى تەاتر جانە كينو اكتەرى, قازاقستاننىڭ حالىق ءارتىسى, م.يۋ.لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ اكتەرى گاۆريل مويسەەۆيچ بويچەنكو دۇنيەدەن ءوتتى.
گ.بويچەنكو 1927 جىلدىڭ 1 اقپانىندا ستاۆروپول ولكەسىنىڭ ەسسەنتۋكي قالاسىندا دۇنيەگە كەلدى. مەكتەپ بىتىرگەن سوڭ ستاۆروپولداعى م.يۋ.لەرمونتوۆ اتىنداعى دراما تەاترى جانىنداعى تەاتر ستۋدياسىندا وقىدى
قازاقستان ونەرى اۋىر قازاعا ۇشىرادى. 2013 جىلدىڭ 1 تامىزىندا 87 جاسقا قاراعان شاعىندا بەلگىلى تەاتر جانە كينو اكتەرى, قازاقستاننىڭ حالىق ءارتىسى, م.يۋ.لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ اكتەرى گاۆريل مويسەەۆيچ بويچەنكو دۇنيەدەن ءوتتى.
گ.بويچەنكو 1927 جىلدىڭ 1 اقپانىندا ستاۆروپول ولكەسىنىڭ ەسسەنتۋكي قالاسىندا دۇنيەگە كەلدى. مەكتەپ بىتىرگەن سوڭ ستاۆروپولداعى م.يۋ.لەرمونتوۆ اتىنداعى دراما تەاترى جانىنداعى تەاتر ستۋدياسىندا وقىدى.
گاۆريل مويسەەۆيچتىڭ اكتەرلىك جولى 1944 جىلى باستالىپ, 1962 جىلدان بەرى ونىڭ شىعارماشىلىعى الماتىداعى ن.ساتس اتىنداعى بالالار مەن جاسوسپىرىمدەر تەاترىمەن, ال 1994 جىلدان م.يۋ.لەرمونتوۆ اتىنداعى مەملەكەتتىك اكادەميالىق ورىس دراما تەاترىمەن بايلانىستى بولدى.
70 جىلعا جۋىق تەاتردا قىزمەت اتقارعان ۋاقىتتا گاۆريل مويسەەۆيچ 250-دەن استام رولدەردى سومدادى. ولاردىڭ اراسىندا ە.شۆارتستىڭ «وبىكنوۆەننوە چۋدو» جانە «زولۋشكا» قويىلىمدارىنداعى كورولدەر, گ.گوريننىڭ «سامىي پراۆديۆىي» قويىلىمىندا ميۋنحاۋزەن, «كورولەۆسكيە يگرى» قويىلىمىندا ەپيسكوپ فيشەر, پ.كالدەروننىڭ «س ليۋبوۆيۋ نە شۋتيات» قويىلىمىندا دون پەدرو, ب.برەحتتىڭ «وپەرا نيششيح» قويىلىمىندا پيچەم, ي.تۋرگەنەۆتىڭ «ناحلەبنيك» قويىلىمىندا يۆان كۋزميچ, ا.وستروۆسكيدىڭ «تالانتى ي پوكلوننيكي» قويىلىمىندا كنياز دۋلەبوۆ, ۋ.شەكسپيردىڭ «دۆەنادتساتايا نوچ» قويىلىمىندا مالۆوليو جانە «كورول لير» قويىلىمىندا شال سياقتى ۇمىتىلماس بەينەلەر مەن باسقا دا تاماشا ەڭبەكتەر بار.
گ.بويچەنكو «قازاقفيلم» كينوستۋدياسىندا دا «ۆ تە دني», «لەسنايا باللادا», «پريتچا و ليۋبۆي», «دالەكي ملەچنىي پۋت», «تانتسۋيۋششي انگەل» فيلمدەرىنە ءتۇستى.
قازاقستاننىڭ تەاتر ونەرىن دامىتۋعا قوسقان ۇلەسى مەن ورىنداۋشىلىق جوعارى شەبەرلىگى ءۇشىن گ.م.بويچەنكو «قازاقستاننىڭ ەڭبەك سىڭىرگەن ءارتىسى», «قازاقستاننىڭ حالىق ءارتىسى» قۇرمەتتى اتاقتارىمەن ماراپاتتالىپ, مادەنيەت سالاسىنداعى مەملەكەتتىك ستيپەنديانىڭ يەگەرى اتاندى.
ءوزىنىڭ اسقان كاسىبي شەبەرلىگى مەن تەاترعا دەگەن تاۋسىلماس سۇيىسپەنشىلىگىن گاۆريل مويسەەۆيچ شاكىرتتەرىنىڭ بويىنا ءسىڭىردى. ول شىعارماشىل زيالى جاستار قاۋىمىن تاربيەلەگەن بىلىكتى ۇستاز جانە تالىمگەر بولاتىن.
كورنەكتى اكتەر گاۆريل بويچەنكونىڭ جارقىن بەينەسى ءبىزدىڭ جادىمىزدا ءاردايىم ساقتالادى.
قازاقستان رەسپۋبليكاسىنىڭ
مادەنيەت جانە اقپارات مينيسترلىگى.
