ايماقتار • 17 قاڭتار، 2020

الماتى وبلىسى اۋماعىندا ەنەرگيا قۇنى تاعى دا قىمباتتادى

54 رەتكورسەتىلدى

الماتى قالاسى مەن وبلىسىنىڭ اۋماعىنا ەلەكتر ەنەرگياسىن تاراتاتىن «الماتىەنەرگوسبىت» جاۋاپكەرشىلىگى شەكتەۋلى سەرىكتەستىگى 1 قاڭتاردان باستاپ قۋات قۇنىنىڭ قىمباتتاعانىن حابارلادى.

ەسەپ بويىنشا، ەندى تۇرعىندار تۇتىنعان جارىق ءۇشىن بەلگىلەنگەن باعانى 4،6 پروتسەنتكە ارتىق  تولەيدى. قۋات قۇنىنىڭ وسۋىنە ەنەرگيا تاسىمالداۋ تاريفتەرىنىڭ وزگەرۋى اسەر ەتكەن كورىنەدى. ماسەلەن، مەگاپوليس پەن وبلىسقا قۋات كوزىن جەتكىزۋشى «اجك» كومپانياسى قىزمەت كورسەتۋ باعاسىن 6 پروتسەنتكە، «قالپىنا كەلتىرىلەتىن قۋات كوزدەرىن قولداۋ» ورتالىعى سەرىكتەستىگى ءتاريفتى 30 پروتسەنتكە، «قازاقستان تەمىر جولى» ۇلتتىق كومپانياسى 2 پروتسەنتكە جانە «كەگوك» اكتسيونەرلىك قوعامى دا ءوز قىزمەتىن 12 پروتسەنتكە وسىرگەن ەكەن.  

ەندى قالا مەن وبلىس اۋماعىنداعى ەنەرگيا شىعىنىن ەسەپتەۋدىڭ جالپى ەكونوميكالىق ءتيىمدى ءتاريفى 19،17 تەڭگە بولماق. بۇعان دەيىن جارىقتىڭ جالپى قۇنى 18،32 تەڭگە ەدى. ال تۇرعىندارعا تۇتىنعان ەنەرگيا ءۇشىن اقى تولەۋ بۇرىنعىداي 3 دەڭگەيلى تاريف بويىنشا ەسەپتەلمەك. ياعني، ۇيدەگى ەسەپتەۋىش كورسەتكەن شىعىن 1-دەڭگەيلى تاريفپەن 0،79 تەڭگەگە قىمباتتاپ، 17،79 تەڭگە بولسا، 2-دەڭگەيلى تاريف 21،99 تەڭگەدەن ءوسىپ 23 تەڭگەنى قۇرايدى. ال بۇعان دەيىن 27،48 تەڭگە بولىپ كەلگەن 3-دەڭگەيلى تاريف قۇنى 28،76 تەڭگەگە كوبەيدى.

ايتپاقشى، «الماتىەنەرگوسبىت» سەرىكتەستىگى اراعا 2 اي سالىپ ەنەرگيا قۇنىن تاعى دا ءوسىرىپ وتىر. 2019 جىلدىڭ 1 قاراشاسىنان باستاپ الماتى قالاسى مەن وبلىسى اۋماعىنداعى تولەم ءتاريفى شامامەن 1 تەڭگەگە قىمباتتاعان بولاتىن. تابيعي مونوپوليانى رەتتەۋ كوميتەتى ول كەزدە ەنەرگيا بوساتۋدىڭ ورتاشا قۇنىن، ياعني جالپى ەكونوميكالىق ءتيىمدى ءتاريفتى 18،32 تەڭگە مولشەرىندە بەلگىلەۋگە بىردەن كەلىسىم بەرگەن ەدى.

 

 

الماتى وبلىسى

 

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار