ايماقتار • 17 قاڭتار، 2020

تەكەلى – ەڭبەكشىلەر مەكەنى

37 رەتكورسەتىلدى

كەزىندەگى وڭتايلاندىرۋدان كەيىن توقىراۋعا ۇشىراعان تەكەلى قالاسى بۇگىندە جاڭا تۇرپاتتاعى دامۋ جولىنا ءتۇستى. قازىر شاعىن شاھار «كەنشىلەر قالاسى» دەگەن اتاۋىنا لايىق وركەندەپ كەلەدى.

تەكەلىدە ساپاسى جوعارى شويىن وندىرىلەتىنىنەن جۇرت حاباردار. 2016 جىلدان بەرى قايتا جاندانعان بۇل وندىرىستە جىل سايىن قوسىمشا قورىتۋ تسەحتارى اشىلىپ، ىرگەسى كە­ڭەيۋدە. بيىل شويىن بالقىتۋ وندى­رىسىندە جۇمىس ىستەيتىن كەن­شىلەر سانى 1000 ادامعا جەتتى. كورىگى قىزعان دومنا پەش­تەرىندە بالقىپ، قالىپقا قۇيىل­عان ءونىم ىشكى جانە سىرتقى نا­رىققا شىعارىلۋدا. تەكەلى كەن­شىلەرى بيىل 7200 توننا شويىن ءوندىرىپتى. الداعى جى­لى وندىرىستە ەكىنشى دومنا پە­شى ىسكە قوسىلىپ، جۇمىس ىر­عاعى ارتا تۇسەدى دەپ كۇتىلۋدە. جۇمىسشىلار سانى دا كوبەيىپ، مەتاللۋرگتەر قاتارى 1500 ادام­عا دەيىن تولىقپاق.

وندىرىسكە جان بىتكەن جەردە تۇرعىن-ءۇي كوممۋنالدىق شارۋاشىلىق سالاسى دا داميتىنى بەلگىلى. ادامدارعا جايلى ءۇي، جاعىمدى ورتا قاجەت. ين­­فراقۇرىلىم دا زامانعا ساي بولۋعا ءتيىس. بۇل باعىتتا شاعىن قالادا ءبىراز شارۋا ىستەلىپتى.

– «وڭىرلەردى دامىتۋ» باع­دارلاماسى شەڭبەرىندە قالاداعى «مەتاللۋرگ» شاعىن اۋدانىنىڭ كارىز جەلىلەرى مەن ماگيسترال­دى جىلۋ جەلىلەرى قايتا جاڭ­عىرتىلدى. ناتيجەسىندە بار­لىعى 23،3 شاقىرىم كارىز جە­لىسى مەن 5،02 شاقىرىم جىلۋ جە­لىلەرى تولىق جاڭاردى. قا­لا­دا باسپانا ماسەلەسى دە وڭ شەشىمىن تابۋدا. «نۇرلى جەر» باعدارلاماسى اياسىندا 40 پا­تەرلى تۇرعىن ءۇي سالىنۋدا، ونى جا­قىندا پايدالانۋعا بەرەمىز. تاعى ەكى 40 پاتەرلى تۇرعىن ءۇي­دىڭ قۇرىلىسىن قولعا الدىق، – دەيدى تەكەلى قالاسىنىڭ اكىمى باقتيار ونەرباەۆ.

شاعىن قالادا شارۋا­شى­لىق تا وركەن جايىپ كەلە­دى. تە­كەلىنىڭ شارۋالارى ەت، ءسۇت، كوكونىس وندىرۋدەن ال­دىڭ­عى ورىندا. وتكەن 10 ايدا جەر­گى­لىكتى كاسىپكەرلەر وندىرگەن ءونىم 6،5 ملرد تەڭگەنى قۇراپتى. وسى تەكەلىدە ايماقتى تابي­عي كو- ك­ونىس­پەن قامتىپ وتىر­عان «Green House» جىلى­جاي كەشەنى بار. وسى كەشەن­نىڭ ونىمىنە سۇرانىس كو­بەيىپ، ءبىر عانا قياردىڭ 452 مىڭ تونناسى نارىققا شىعا­رىلدى. سۇرانىستىڭ ارتۋى كا­سىپكەرلىكتىڭ دە دامۋىنا ىقپال ەتەدى. ياعني، قالاداعى شاعىن جانە ورتا بيزنەس سالاسىنداعى نىساندار سانى 311 بىرلىككە ارتىپ، 2800 ادام ەڭبەكپەن قامتىلعان. ونىڭ ىشىندە بەس بىردەي ساۋدا جانە قىزمەت كور­سەتۋ نىسانى جاڭادان اشىلىپ، 14 ادام تۇراقتى جۇمىس تاۋىپتى.

ەكونوميكانىڭ وزەگى ءوندىرىس قوي. تەكەلىنىڭ جاندانعان ونەر­كاسىبى وتكەن 10 ايدا 17،2 ملرد تەڭگەنى قۇرايتىن ءونىم وندىر­گەن ەكەن. ءوسۋ كورسەتكىشى 104،4 پايىز­دى قۇراپ وتىر. الداعى جىلى دامۋ قادامى قارىشتاي بەرمەك. ول ءۇشىن بىرنەشە ين­ۆەستيتسيالىق جوبا جاسالعان. بۇيىرسا، ىشكى نارىقتىڭ قاجەتىن وتەيتىن بولات ءپىشىندى قۇيمالار شىعاراتىن «ەلەكترومارگانەتس» زاۋىتى ىسكە قوسىلماق. جوبانىڭ قۇنى 433 ملن تەڭگە شاماسىندا، 20 ادام­عا تۇراقتى جۇمىس ورنى اشىلادى. اك دايىندايتىن «اkAltunProducts» سەرىكتەستىگى دە تەكەلىدەن ءوندىرىس ورنىن اش­پاق، بۇعان ينۆەستور­لار 135 ملن تەڭگە قارجى سا­لۋعا دايىن. 30 ادامدى جۇمىس­پەن قامتىماق. تاعى ءبىر 5 ملن تەڭ­گەنىڭ ينۆەستيتسياسىن «Tasun» جشس ميكروكالتسيت ءوندى­رىسىن كەڭەيتۋگە سالىپ وتىر ەكەن، مۇندا دا 20 جۇمىسشىعا سۇرا­نىس بار.

جالپى، بۇگىنگە دەيىن تەكەلى ەكونوميكاسىن دامىتۋعا 4،7 ملرد تەڭگە ينۆەستيتسيا تارتىلىپتى. ناقتى كولەم يندەكسى 96،1 پايىزدى قۇرادى. ونىڭ ىشىن­دە بيۋدجەت قارجىسىنان بو­لەك، جەكە كوزدەردەن قۇيىلعان قارجىنىڭ ۇلەسى 77،9 پا­يىز ەكەن، اقشاعا شاققاندا 3،7 ملرد تەڭگە شاماسىندا. ال كە­لەر جىلى يگەرىلەتىن ينۆەستي­تسيا كولەمى 6،2 ملرد تەڭگە كولەمىندە بولجانعان.

ارينە، الەۋمەتتىك سالادا قوردالانعان ماسەلە بار. جۇمىس­سىزدىق دەڭگەيىن تومەندەتۋدىڭ ءتۇرلى جولدارى قاراستىرىلعان. ول ءۇشىن الداعى جىلى 470 جاڭا جۇمىس ورنى قۇرىلماق. بۇل قالاداعى جۇمىسسىزدىق دەڭگەيىن 4،7 پايىزعا دەيىن ازايتادى.

– تەكەلىدە 415 كوپ بالالى وتباسى تۇرادى. ولاردىڭ دەنى باسپانا ماسەلەسىن شەشۋدى وتىنەدى. بيىل الەۋمەتتىك جاعى­نان قورعالماعان وتباسىلاردى تۇرعىن ۇيمەن قامتاماسىز ەتۋ ءۇشىن 25 پاتەر ساتىپ الىندى. دەمەۋشىلەر ەسەبىنەن 5 كوپ بالالى وتباسى باسپانالى بولدى. 7 وتباسى «باقىتتى وتباسى» باع­دارلاماسى اياسىندا قونىس تويى­ن تويلادى، – دەيدى قالا اكىمى ب.ونەرباەۆ.

 

الماتى وبلىسى

 

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار