ەكونوميكا • 17 قاڭتار، 2020

ترانزيتتىك تاسىمالداۋدان 450 ملرد تەڭگە تابىس تاپتى

25 رەتكورسەتىلدى

قازاقستاننىڭ ترانزيتتىك الەۋەتى جىل وتكەن سايىن ارتىپ كەلەدى. بۇل مۇمكىن­دىكتى ءتيىمدى پايدالانۋ باعىتىندا ناق­تى جۇمىستار اتقارىلۋدا. ماسەلەن، يندۋس­تريا جانە ينفراقۇرىلىمدىق دامۋ مينيستر­لىگى ءباسپاسوز قىزمەتىنىڭ حابارلاۋىنشا، 2019 جىلدىڭ قورىتىندىسىندا قازاق­ستان ارقىلى تاسىمالدانعان تران­زيت­تىك جۇك كولەمى 19،4 ملن تونناعا جەتتى.

ونىڭ ىشىندە تەمىر جول كولىگى ارقىلى ترانزيتتىك تاسىمالداۋ كولەمى 17،5 ملن توننانى قۇرادى. كولىكتىڭ بۇل تۇرىمەن ەلىمىزدىڭ اۋماعى ارقىلى وتەتىن ترانزيتتىك جۇك اعىنىنىڭ نەگىزگى ۇلەسى، ياعني 75،6% نەمەسە 11،5 ملن تونناسى ورتالىق ازيا ەلدەرىنە تيەسىلى. اتاپ ايتساق، بۇل كورسەتكىشتىڭ 7،1 ملن تونناسى – وزبەكستانعا، 2،26 ملن تونناسى – قىرعىزستانعا، 1،2 ملن تونناسى – تاجىكستانعا، 0،26 ملن تونناسى اۋعانستانعا كەلەدى. رەسەيدىڭ ۇلەسى 2،8% بولسا، ترانزيتتىك جۇكتىڭ 13،8% قىتايعا، 7،1% ەۋروپا وداعى ەلدەرىنە تيەسىلى.

تەمىر جول كولىگى ارقىلى قازاقستان اۋماعىمەن قانداي جۇك تاسىمالدانادى دەگەنگە كەلسەك، 18،5%-بەن ءبىرىنشى ورىندا مۇناي تۇر. ودان كەيىن قارا مەتالدار – 10،7%، حيميكاتتار مەن سودا – 6،8%، حيميالىق جانە مينەرالدىق تىڭايتقىشتار – 2،2%، استىق 1،7%-دى قۇرايدى. وزگە دە جۇكتەر – 55،6%.

ال اۆتوكولىكپەن 2019 جىلى 1،93 ملن توننا ترانزيتتىك جۇك تاسىمالداندى. جانە جۇكتىڭ نەگىزگى باعىتتارى قىتايدان ەۋروپا وداعى ەلدەرىنە – 14 مىڭ توننا، ورتالىق ازيا ەلدەرىنە – 779 مىڭ توننا، رەسەيگە 61،7 مىڭ توننا جۇك جەتكىزىلدى. ورتالىق ازيا ەلدەرىنەن ەۋروپا وداعىنا – 106،5 مىڭ توننا، رەسەيگە – 396 مىڭ توننا، قىتايعا 5،4 مىڭ توننا جۇك اپارىلدى. رەسەيدەن ورتالىق ازيا ەلدەرىنە 9،7 مىڭ توننا، ەۋروپا وداعى ەلدەرىنەن ورتالىق ازياعا 567 مىڭ توننا، قىتايعا 2،7 مىڭ توننا ترانزيتتىك جۇك جەتكىزىلدى.

اۆتوكولىكتەر ارقىلى نەگىزىنەن ماشينالار، مەحانيزمدەر، قۇرال-جابدىقتار مەن اپپاراتۋرالار تاسىمالداندى. ونىڭ ىشىندە ەلەكتروندى جابدىقتار – 20،1%، وسىمدىك ونىمدەرى – 17،3%، حالىق تۇتىناتىن تاۋارلار – 15%، باستاپقى ماتەريالدار، ماتالار، توقىما ماتەريالدارى مەن بۇيىمدار – 11،5% جانە ت.ب. تاۋارلار قۇرادى.

سونداي-اق 2019 جىلدىڭ قورىتىندىسىندا قازاقستان اۋماعى ارقىلى كونتەينەرلەردىڭ ترانزيتتىك تاسىمالىنىڭ جالپى كولەمى 23%-عا ارتىپ، 664 مىڭ كونتەينەرگە جەتتى. ونىڭ ىشىندە قىتاي – ەۋروپا – قىتاي باعىتىنداعى كونتەينەرلەر سانى 11%-عا ارتىپ، 347 مىڭ كونتەينەردى قۇرادى.

وسىلايشا، قازاقستان بىلتىر ترانزيتتىك تاسىمالداۋلاردان 450 ملرد تەڭگەدەن استام تابىس تاپتى.

 

 

 

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار