ونداعى قۇرىلىس-مونتاج جۇمىستارىنىڭ ءبىرىنشى كەزەڭى اياقتالعانىن جەتكىزگەن جاۋاپتى ماماندار ەكىنشى كەزەڭنىڭ قۇرىلىسىن «اليانس كونتراكت قۇرىلىس» جشس جۇزەگە اسىراتىنىن تىلگە تيەك ەتتى. قازىرگى تاڭدا قۇرىلىس-مونتاج جۇمىستارى 2 اۋىسىمدا جۇرگىزىلىپ, 115 جۇمىسشى, 10-عا جۋىق ارنايى تەحنيكا تارتىلعان. جاڭا تەرمينالدىڭ قۇرىلىسىن وسى جىلدىڭ قازان ايىندا اياقتاۋ كوزدەلگەن.
تۇڭعىش پرەزيدەنت – ەلباسى نۇرسۇلتان نازارباەۆتىڭ جانە مەملەكەت باسشىسى قاسىم-جومارت توقاەۆتىڭ شىمكەنت قالاسىن دامىتۋ جونىندەگى تاپسىرمالارىنىڭ ورىندالۋىن پىسىقتاۋ ماقساتىندا كەلگەن ۆيتسە-پرەمەر ودان ءارى توقتاپ تۇرعان «مەلانج» اق توقىما فابريكاسىنىڭ جانە بۇرىنعى «يۋتەكس» اق تىگىن فابريكاسىن ىسكە قايتا قوسۋ بارىسىنداعى اتقارىلىپ جاتقان جۇمىستارىمەن تانىستى. ايتا كەتەرلىگى, بۇل كاسىپورىنداردىڭ م ۇلىك مەنشىگى «قازاقستاننىڭ ينۆەستيتسيالىق قورى» اق-عا تيەسىلى.
ەلىمىزدە جەڭىل ونەركاسىپتى دامىتۋعا ەرەكشە كوڭىل ءبولىنىپ كەلە جاتقانىن ايتقان ۇكىمەت باسشىسىنىڭ ورىنباسارى ءۇشىنشى مەگاپوليستە شاعىن كاسىپكەرلىكتى كوپتەپ قولعا الۋ كەرەگىن ايتتى.
ەستەرىڭىزگە سالا كەتەيىك, 2019 جىلعى 21 ماۋسىمدا تاشكەنت قالاسىندا قول قويىلعان قازاقستان مەن وزبەكستان اراسىنداعى ەكىجاقتى ىنتىماقتاستىق جونىندەگى بىرلەسكەن ۇكىمەتارالىق كوميسسيانىڭ 18-وتىرىسىنىڭ حاتتاماسىنا سايكەس, ەكى ەل اراسىنداعى تاۋار اينالىمىن ءوزارا ۇلعايتۋ بويىنشا ۇسىنىستار ازىرلەۋ جونىندەگى جۇمىس توبى شەڭبەرىندە كورشىلەس وزبەكستان تاراپىمەن بىرلەسكەن توقىما كلاستەرىن قۇرۋ ماسەلەسىن قاراستىرۋ قاجەتتىگى جايلى كەلىسىمگە قول جەتكىزىلگەن بولاتىن. حاتتامانى ورىنداۋ ءۇشىن «قازاقستاننىڭ ينۆەستيتسيالىق قورى» اق مەن وزبەكستاننىڭ «Alliance Textile» جەڭىل ونەركاسىپ كاسىپورىندارى قاۋىمداستىعى اراسىندا وتكەن جىلدىڭ 22 ماۋسىمىندا ستراتەگيالىق ىنتىماقتاستىق تۋرالى شەكتى كەلىسىم جاسالدى. كەيىننەن تاراپتار شىمكەنت قالاسىندا ورنالاسقان مەنشىك قۇقىعىنداعى اتالعان قورعا تيەسىلى توقىما فابريكالارىن باسقارۋ جونىندەگى جول كارتاسىن ازىرلەدى. وسى جول كارتاسىن ورىنداۋ بارىسىندا «ALLIANCE» ساۋدا-ءوندىرىس كومپانياسى» جشس بىرلەسكەن كاسىپورنى قۇرىلدى. جول كارتاسى شەڭبەرىندە جوندەۋ-قالپىنا كەلتىرۋ جۇمىستارىنىڭ ءتىزىمى, ونى ورىنداۋ جانە توقىما فابريكالارىن ىسكە قوسۋ مەرزىمدەرى انىقتالدى. وعان قوسا قاجەتتى قوسالقى بولشەكتەر ساتىپ الىنىپ, تەحنيكالىق اۋديت جۇرگىزىلەدى. جول كارتاسىنىڭ 1-كەزەڭىندە 7 جىل بويى توقتاپ تۇرعان «ALLIANCE» ساۋدا-ءوندىرىس كومپانياسى» جشس (بۇرىنعى «يۋتەكس» اق) ءجىپ ءيىرۋ فابريكاسى 2019 جىلعى 5 جەلتوقساندا ىسكە قوسىلىپ, 120 ادام جۇمىسپەن قامتىلدى. ەكىنشى كەزەڭدە «يۋتەكس» اق تىگىن فابريكاسىن بيىلعى مامىر ايىندا, ال بۇرىنعى «مەلانج» اق اعىمداعى جىلدىڭ جەلتوقسانىندا قايتا ىسكە قوسۋ جوسپارلانعان.
شىمكەنت قالاسىنىڭ اكىمى ەرلان ايتاحانوۆتىڭ ايتۋىنشا, جول كارتاسىنىڭ جۇزەگە اسىرىلۋى, توقىما كاسىپورىندارىنىڭ قايتا ىسكە قوسىلۋى ءۇشىنشى مەگاپوليس ءۇشىن وتە ماڭىزدى. بۇگىندە اكىمدىك تاراپىنان ءوندىرىستى ىسكە قوسۋعا جانە كاسىپكەرلىككە مەيلىنشە قولداۋ كورسەتىلىپ, ينفراقۇرىلىمىن قالپىنا كەلتىرۋ (ەلەكترمەن, سۋمەن جابدىقتاۋ جانە سۋ بۇرۋ جۇيەلەرىنە قوسۋ) جۇمىستارى قارقىندى جۇرۋدە.
اتالعان فابريكالاردى ىسكە قوسۋ شىمكەنتتە توقىما كلاستەرىن قالپىنا كەلتىرۋگە جول اشادى. بۇل ەلىمىزدە وڭدەلەتىن ماقتا كولەمىنىڭ 2 ەسەگە ءوسۋىن قامتاماسىز ەتىپ, 800 ادامدى جۇمىسپەن قامتۋعا سەپتىگىن تيگىزەدى.
شىمكەنت
