پارلامەنت • 17 قاڭتار، 2020

ماڭىزى جوعارى جايتتار قوزعالدى

19 رەتكورسەتىلدى

سەناتور باقىتجان جۇما­عۇلوۆ جۇمىس بابىنداعى ساپار­مەن اقمولا وبلىسىندا بولدى. سەناتور كوكشەتاۋ قالا­سىنداعى بىرقاتار ءبىلىم بەرۋ نى­ساندارىن ارالاپ، وقىتۋ­شىلارمەن، وقۋشىلارمەن جانە ستۋدەنتتەرمەن كەزدەستى.

كەزدەسۋلەردە «پەداگوگ مار­تەبەسى تۋرالى» زاڭ مەن قازاقستان رەسپۋبليكاسىنىڭ 2020-2025 جىلدارعا ارنالعان ءبىلىم بەرۋ مەن عىلىمدى دامىتۋدىڭ مەم­لەكەتتىك باعدارلاماسىنىڭ ەرەجەلەرى جان-جاقتى ءتۇسىن­دىرىل­دى.

دەپۋتات جاڭا زاڭداعى ادەپكە قاتىستى جانە باسقا دا قۇقىقتىق، الەۋمەتتىك كەپىلدىكتەر تۋرالى ەرەجەلەر جايلى ايتا كەلىپ، پەداگوگتەردىڭ ءوز قىزمەتىنە ادالدىعى بارىنەن دە جوعارى ەكەنىن ەرەكشە اتاپ ءوتتى.

* * *

سەناتورلار مارات تاعىموۆ پەن مۇحتار جۇماعازيەۆ جۇمىس ساپارىمەن اقتوبە وبلىسى العا اۋدانىنداعى ۇشقۇدىق، تىك­قايىڭ، قاراقوبدا جانە سارىقوبا اۋىلدارىنا باردى.

ولار وسى اۋىلدارداعى مەك­تەپ­تەردىڭ جاعدايىمەن تانىسىپ، پەداگوگتەرمەن جانە وقۋشىلارمەن كەزدەستى. كەزدەسۋ بارىسىندا پە­داگوگ مارتەبەسىن ارتتىرۋعا باي­لانىستى ماسە­لەلەر مەن دەن­ساۋ­لىق ساقتاۋدى دامىتۋدىڭ 2020-2025 جىلدار­عا ارنالعان مەملە­كەتتىك باعدار­لاماسى تۋرالى اي­تىلدى.

دەپۋتاتتار العا اۋدانىنداعى ساپارىنىڭ سوڭىندا 2017 جىلدان باستاپ جۇمىس ىستەپ كەلە جاتقان شارۋا قوجالىعىندا بولدى. ابدىرازاق جاقاننىڭ شارۋا­شىلىعىندا 350 جىلقى، 270 اسىل تۇقىمدى ءىرى قارا جانە 800 قوي بار.

تۇرعىندارمەن بولعان بارلىق كەزدەسۋلەردە مەديتسينالىق قىز­مەت كورسەتۋ، بىلىكتى مامانداردىڭ جەتىسپەۋشىلىگى، قاراپايىم ءدارى-دارمەكتىڭ جوقتىعى، جەدەل دارى­گەرلىك كومەك كورسەتۋدىڭ قولجەتىم­سىزدىگى ماسەلەسى كوتە­رىلدى.

سەناتورلار م.تاعىموۆ پەن م.جۇماعازيەۆ اۋىلدىق ەلدى مە­كەندەرگە ساپارىنىڭ قورىتىن­دىسى بويىنشا اقتوبە وبلىسى­نىڭ اكىمى وڭداسىن ورازالينمەن كەزدەستى.

* * *

سەنات دەپۋتاتى تولەۋبەك مۇ­قا­شەۆ ۇلتتىق ۇلاننىڭ 5574 اس­كە­ري ءبولىمىنىڭ جاۋىن­گەرلىك جانە ادىستەمەلىك داي­ىن­دىق ورتالى­عىندا بولدى.

دەپۋتات ساپار بارىسىندا ىشكى ىستەر مينيسترلىگى مەن ۇلت­تىق ۇلاننىڭ بولىمشەلەرى جانە ەلىمىزدىڭ باسقا دا الەۋەتتى قۇرى­لىمدارى ءىس جۇزىندە دايىندىقتان وتەتىن ورتالىقتىڭ نەگىزگى مىن­دەت­تەرىمەن، ينفراقۇرىلىم ءبولىمى، كازارمالىق-تۇرعىن ءۇي قورى، وقۋ ماتەريالدىق-تەحنيكالىق با­زاسىنىڭ جاي-كۇيى جانە دامۋ كەلەشەگىمەن تانىستى.

* * *

سەنات دەپۋتاتى ءلاززات سۇلەي­­مەن تالدىقورعان قالا­سىن­داعى بىرقاتار الەۋمەتتىك جانە مادەني نىسانداردى ارا­لادى جانە قالا تۇرعىندا­رىمەن بىرنەشە كەزدەسۋ وتكىزدى.

سەناتور قابىلدانعان جاڭا زاڭدار مەن قولدانىستاعى زاڭ­دارعا تۇزەتۋلەر، قۇقىق قورعاۋ ور­گاندارىنداعى رەفورمالار تۋرالى ايتىپ، الەۋمەتتىك قولداۋ جونىندەگى ايماقتا جۇزەگە اسىپ جاتقان جۇمىستاردى ازاماتتارعا تانىس­تىردى. ءلاززات سۇلەيمەن ساپار بارىسىندا «تسيفرلىق قازاقستان» مەملەكەتتىك باعدار­لاماسى اياسىندا اشىلعان «Jetysu Hub» IT-ورتالىعىندا ستۋدەنتتەر مەن بالالار جاساعان جاڭا جوبالاردى كوردى. ورتالىق جاس IT-مامانداردى دايارلاۋعا، حالىق اراسىندا ستارتاپ-مادەنيەتتى قالىپتاستىرۋعا جانە ەل ەكونوميكاسىن ىلگەرىلەتۋگە ارنالعان جوعارى تەحنولوگيالىق جوبالاردى ازىرلەۋگە باعىتتالعان.

جۇمىس ساپارى بارىسىندا سەناتور قازاقستان حالقى وبلىستىق اسسامبلەياسىندا بولىپ، مەدياتسيا ورتالىعىنىڭ جۇمىسىمەن تانىستى. كەزدەسۋ بارىسىندا قازاقستانداعى مەدياتسيا ينستيتۋتىن ودان ءارى دامىتۋ كەلەشەگى، داۋلاردى سوتتان تىس جانە سوتقا دەيىنگى رەتتەۋ ينستيتۋتتارىن مەملەكەتتىك رەتتەۋ تەتىكتەرى، سونداي-اق مەدياتسياعا بايلانىستى بۇگىنگى تاڭدا ورىن العان وزەكتى ماسەلەلەر تالقىلاندى.

* * *

سەنات دەپۋتاتى سەرىك جاق­سى­­بەكوۆ نۇر-سۇلتان قالا­­لىق ءماسليحاتىنىڭ بيۋد­جەت، ەكونوميكا، ونەركاسىپ جانە كاسىپكەرلىك ماسەلەلەرى جو­نىن­دەگى تۇراقتى كوميسسياسى­نىڭ مۇشەلەرىمەن كەزدەستى.

س.جاقسىبەكوۆ اڭگىمە بارى­سىندا ءوزارا ءىس-قيمىل قالىپتاس­تىرۋداعى ەڭ باستى يدەيا – كەرى بايلانىس ەكەنىن اتاپ ءوتتى جانە سەناتتىڭ زاڭنامالىق قىزمەتى مەن تۇرعىن ءۇي-كوممۋنالدىق شا­رۋاشىلىق سالاسىنداعى وزگە­رىستەرگە قاتىستى زاڭ جوباسىن قاراۋ بارىسىنداعى اتقارىلعان جۇمىستارعا توقتالدى. سونداي-اق وسى زاڭ جوباسى بويىنشا كەلىسۋ راسىمدەرى مەن دەنساۋلىق ساقتاۋ سالاسىنداعى وزگەرىستەر بويىنشا زاڭ جوبالارىنىڭ ەرەجەلەرى مەن پەداگوگتەردىڭ مارتەبەسى تۋرالى ايتىپ، ولاردىڭ نەگىزگى مىندەتتەرى مەن ماڭىزى تۋرالى اڭگىمەلەدى. س.جاقسىبەكوۆ سونىمەن قاتار قابىلدانعان زاڭداردىڭ ىسكە اسۋىن قاداعالاۋداعى قيىندىقتاردى ايتتى.

* * *

سەنات دەپۋتاتى ساۋلە ايت­پاەۆا جۇمىس ساپارى بارىسىن­دا اقمولا وبلىسىنداعى جاق­سى اۋدانىندا بولدى.

سەناتور جاقسى اۋداندىق اۋرۋحاناسى مەن №1 جانە №2 ورتا مەكتەپتەردىڭ جۇمىسىمەن تا­نىستى. اۋداندىق اۋرۋحانا دارىگەرلەرىمەن كەزدەسۋدە مەديتسينا سالاسى قىزمەتكەرلەردىڭ مارتەبەسىن ارتتىرۋ جانە ولاردى قورعاۋ، مىندەتتى الەۋمەتتىك مە­ديتسينالىق ساقتاندىرۋ، اۋىل­دىق اۋرۋحانالارعا كادرلاردى تارتۋعا ىقپال ەتەتىن «ديپلوممەن – اۋىلعا!» مەملەكەتتىك باعدار­لاماسىنىڭ ماسەلەلەرى كوتەرىلدى.

اۋدان تۇرعىندارى اۋىل­داردا مەديتسينالىق مەكەمە­لەردىڭ، دارىگەرلەر مەن مەديتسينا سالاسىنىڭ باسقا دا قىزمەت­كەرلەرىنىڭ، مەديتسينالىق ماتەريالدار مەن جابدىقتاردىڭ، ءدارى-دارمەكتىڭ جەتىسپەۋى ماسەلەلەرىن كوتەردى. شالعاي اۋدانداردا ورنا­لاسقان تۇرعىندار سانى از ەلدى مەكەندەردە، اۋىلداردا كۇردەلى جاعداي قالىپتاسىپ وتىر. اۋىلدارداعى مەديتسينالىق كو­مەككە مۇقتاج ەگدە جاستاعى تۇر­عىندارىنىڭ جاعدايى وتە قيىن. ودان باسقا، حالىق سانىنىڭ وسۋى­نە جانە پاتسيەنتتەردى ەمدەۋگە، الدىن الۋعا جانە وڭال­تۋعا جاڭا تاسىل­دەردى ەنگىزۋ قاجەت­تىگىنە بايلانىس­تى دەنساۋلىق ساق­تاۋ جۇيەسىن جاڭ­عىرتۋ مەيىربي­كەلەردىڭ قۇزى­رەتى مەن دايارلى­عىنا جانە مەيىر­بيكە قىزمەتتەرىن دامىتۋعا جاڭا تالاپتار قويادى.

 

 

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار