فرانتسيادا بۇگىن باستالعان سوت پروتسەسى بتا-بانكتىڭ بۇرىنعى باسشىسى مۇحتار ءابىلازوۆتىڭ ەكستراديتسيا جاسالۋ ىقتيمالدىعى تۋرالى ماسەلەنى 2014 جىلدىڭ كوكتەمىنەن بۇرىن شەشە المايتىن سياقتى. بۇل تۋرالى فرانتسۋزدىڭ
Le Figaro باسىلىمى حابارلادى.
«ءبىز قازىر وزىمىزگە بارلىق كەرەكتى قۇجاتتاردى جولداۋىنا 40 كۇن مەرزىمى بار ۋكراينانىڭ سۇرانىسىن قاراپ جاتىرمىز. پروتسەدۋرانىڭ وتە ۇزاق جۇرەتىندىگىنە بايلانىستى, ءبىز ونى 2014 جىلدىڭ كوكتەمىنەن ەرتە شەشە المايمىز», - دەپ مالىمدەدى ەكس-ان-پروۆانس قالاسى سوتى باس پروكۋرورىنىڭ كومەكشىسى سولانج لەگرا باسىلىمعا.
ەسكە تۇسىرە كەتەيىك, بۇرىن حابارلانعانىنداي, ۋكراينا وسى كەزگە دەيىن فرانتسياعا بۇرىنعى بانكيردى وزدەرىنە بەرۋ تۋرالى سۇرانىستى جولداپ ۇلگەرگەن ەكەن. ۋكراينا قۇقىق قورعاۋشىلارى مۇحتار ابىلازوۆكە ەلدىڭ قىلمىستىق كودەكسىنىڭ «ءىرى كولەمدەگى الاياقتىق» جانە «م ۇلىكتى تالان-تاراجعا سالۋ نەمەسە قىزمەتتىك جاعدايدى پايدالانۋ جولىمەن يەمدەنىپ كەتۋ» دەپ اتالاتىن باپتارى بويىنشا ايىپ تاعىپ وتىر. وسىنىڭ قارساڭىندا فرانتسيا سوتى ەكس-بانكيردى بولۋى ىقتيمال ەكستراديتسياعا دەيىن ءوز قۇلپى استىندا ۇستاي تۇرۋعا شەشىم قابىلدادى. حابارلانعانداي, ءابىلازوۆ بۇل شەشىم شىققانعا دەيىن سوتقا ءوزىنىڭ بوستاندىقتا قالا بەرۋىن قامتاماسىز ەتۋگە جەتكىلىكتى كەپىلدىك ۇسىنا الماعان بولىپ شىقتى.
بۇدان بۇرىن ابىلازوۆتەر وتباسىسىنىڭ فرانتسۋز ادۆوكاتى ءوز كليەنتىن ەكستراديتسيا جاساۋ جونىندەگى سۇرانىستىڭ تاپ وسى ۋكراينادان تۇسكەنىن جەتكىزگەن ەدى. سەبەبى, ول قازاقستانمەن دوستاس ەل بولىپ تابىلادى. بۇعان قوسا, فرانتسيا مەن قازاقستاننىڭ اراسىندا قىلمىسكەرلەردى تاپسىرۋ جونىندەگى كەلىسىم جوق. سوندىقتان بۇل مىندەتتى ۋكراين جاعىنىڭ اتقارىپ وتىرعان جايى بار.
تاعى ءبىر ەسكە سالىپ وتەتىن جايت, مۇحتار ءابىلازوۆ 31 شىلدە كۇنى فرانتسيانىڭ وڭتۇستىگىندەگى كاننى قالاسىنا جاقىن جەردە قاماۋعا الىنعان بولاتىن.
قۇرىش نۇرىمبەت.
