ايماقتار • 16 قاڭتار، 2020

ماقتاارالدا ديقانشىلىق باستالدى

397 رەتكورسەتىلدى

تۇركىستان وبلىسى ماقتاارال اۋدانىنىڭ ەڭبەكقور شارۋالارى قاڭتاردىڭ قاق ورتاسىندا ديقانشىلىقتى باستاپ جىبەردى. ەرتە ءونىم بەرەتىن قىرىققابات داقىلىن ەگۋ ناۋقانىنا قازىردىڭ وزىندە 10-نان استام بريگادا قاتىسىپ، قىزۋ جۇمىستار ءجۇرىپ جاتىر. بۇل تۋرالى ماقتاارال اۋدانى اكىمدىگىنىڭ ءباسپاسوز قىزمەتى حابارلادى.

قاڭتاردىڭ جاۋىن-شاشىنىنا قاراماستان ەگىستىك القاپتا جۇمىس ىستەپ جاتقان ديقانداردىڭ جاي-كۇيىنەن حابار الۋ ءۇشىن ماقتاارال اۋدانى ماقتاارال اۋىلدىق وكرۋگىنىڭ اكىمى ءالىم يبراەۆ «دۇيسەنبەك» شارۋا قوجالىعىنا باردى. سەرىك ءسادۋوۆتىڭ باسشىلىعىنداعى قوجالىقتىڭ ەنشىسىندە 4،5 گەكتار جەر بار بولسا، سونىڭ بارلىعىنا قىرىققابات داقىلى ەگىلىپ جاتىر ەكەن. 60 ادامنان قۇرالعان بريگادا قاڭتاردىڭ ءاربىر كۇنىن پايدالانىپ، جاۋىن-شاشىنعا قاراماستان جۇمىس ىستەپ جاتىر.

«جۇمىسشىلارعا كۇنىنە 3200 تەڭگەدەن ەڭبەكاقىسىن تولەپ وتىرمىز. نەگىزىنەن 2 ايدىڭ كولەمىندە ەككەن ەگىنىمىز ءپىسىپ، جەتىلەدى. سونداي-اق 90 كۇندە جەتىلەتىن سورتىن دا ەكتىك. ەگىلگەن كوشەتتىڭ ءۇستىن جاپقىشپەن جاۋىپ، جاۋىن-شاشىننان قورعايمىز. ەڭ باستىسى – كۇتىپ-باپتاۋعا ۇلكەن ءمان بەرىلۋى كەرەك» دەدى س.ءسادۋوۆ.

ماقتاارالدىق ديقاندار نەگىزىنەن سالماعى 1-1،5 كەلىدەن اسپايتىن قىرىققاباتتىڭ پانديون، ريندا، فاراو سۇرىپتارىن وتىرعىزىپ جاتىر. ەرتە پىسەتىن ءونىم تۇرىنە ەۋروپالىقتار مەن رەسەيلىكتەر تاراپىنان سۇرانىس كوپ. قازىردىڭ وزىندە ماقتاارال اۋىلدىق وكرۋگىندە 50 گەكتاردان استام جەرگە قىرىق قابات ەگىلىپ ۇلگەرگەن.

جالپى، قىرىققابات داقىلى ەرتە پىسەتىندىكتەن، ماقتاارالدىق ديقاندار ونىڭ سوڭىنان قاۋىن-قاربىز، ماقتا، تاعى دا باسقا داقىلدار ەگۋگە كىرىسەدى. وسىلايشا، جەر ەمگەن شارۋالار 1 جىلدا ەكى رەت، ءتىپتى ءۇش رەت ءونىم الادى. بىلتىر ءساۋىر ايىندا العاشقى ءونىمىن العان ديقاندار رەسپۋبليكانىڭ بىرنەشە وبلىسىن جانە رەسەي فەدەراتسياسىن قىرىققاباتپەن قامتاماسىز ەتكەن بولاتىن.

ايتا كەتەيىك، ماقتاارال اۋدانىندا 2019 جىلى 50 مىڭ تونناعا جۋىق كوكونىس ءونىمى قامباعا جينالعان. ال ونىڭ باسىم بولىگى قىرىققابات ءونىمى بولاتىن.

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار