ارىزدانۋشىنىڭ ايتۋىنشا, وقيعا 10 قاڭتار كۇنى, اپاق-ساپاقتا بولعان. رەسەي ءنومىرىن تاققان كولىكتەن تۇسكەن 2 قىلمىسكەر كاسىپكەردى قىسپاققا الىپ, قارۋ كەزەنگەن. وسىلايشا قارۋلى رەكەت كاسىپكەردىڭ قولىنداعى 13 ملن تەڭگەسىن تارتىپ الىپ كەتكەن. شاعىم بويىنشا اۋداندىق پوليتسيانىڭ جەدەل توبى ىسكە كىرىسىپ, قىلمىسكەرلەردى انىقتاۋ جۇمىسى باستالعان. الايدا, كاسىبي ءىز كەسۋشىلەر ارەكەتى بىردەن تۇيىققا تىرەلىپ, بۇل ىستە شيكىلىك بارى بىلىنگەن ەكەن. اۋماقتاعى تەكسەرۋ جۇمىسىنا جۇمىلعان ءتارتىپ ساقشىلارى شاعىمدانۋشى كورسەتكەن كولىكتى دە تاپپاعان.
ال قايتا پىسىقتاۋ كەزىندە شاعىمدانۋشى وزىنە جاسالعان شابۋىلدىڭ جالعان ەكەنىن, ول مۇنى قارىز العان ادامداردان قۇتىلۋ ءۇشىن ويدان شىعارعانىن مويىنداپتى. ەندى جالعان مالىمەت بەرىپ, قۇقىق قورعاۋ قىزمەتكەرلەرىن اۋرە-سارساڭعا سالعانى ءۇشىن كاسىپكەر 3 جىلدان 8 جىلعا دەيىن باس بوستاندىعىنان ايرىلۋى مۇمكىن.
