قازاقستان رەسپۋبليكاسى پرەزيدەنتى ق.ك. توقاەۆتىڭ توراعالىعىمەن 2019 جىلعى 26 ساۋىردە وتكەن كەڭەستىڭ حاتتاماسىنا سايكەس 2020 جىلى ۇلى اقىن, كومپوزيتور جانە قوعام قايراتكەرى اباي قۇنانباي ۇلىنىڭ 175 جىلدىعىن مەرەكەلەۋ جونىندە تاپسىرما بەرىلگەن بولاتىن.
سونىمەن قاتار 2020 جىلى قازاق حالقىنىڭ ۇلى اقىنى, اعارتۋشى اباي قۇنانباي ۇلىنىڭ 175 جىلدىق مەرەيتويىن جوعارى ۇيىمداستىرۋشىلىق جانە مازمۇندىق دەڭگەيدە مەرەكەلەۋدى قامتاماسىز ەتۋ ماقساتىندا قازاقستان رەسپۋبليكاسى پرەزيدەنتىنىڭ 2019 جىلعى 30 مامىردا «اباي قۇنانباي ۇلىنىڭ 175 جىلدىق مەرەيتويىن مەرەكەلەۋ تۋرالى» № 55 جارلىعى جانە 2019 جىلدىڭ 26 تامىزىندا قازاقستان رەسپۋبليكاسىنىڭ پرەزيدەنتى ق.ك. توقاەۆتىڭ جارلىعىمەن اباي قۇنانباي ۇلىنىڭ 175 جىلدىق مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيانىڭ قۇرامى بەكىتىلدى.
2019 جىل 9 قىركۇيەكتە قازاقستان رەسپۋبليكاسىنىڭ مەملەكەتتىك حاتشىسى توراعالىعىمەن اباي قۇنانباي ۇلىنىڭ 175 جىلدىق مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيانىڭ العاشقى وتىرىسىندا مەرەيتويدى دايىنداۋ جانە وتكىزۋ جونىندەگى جالپىرەسپۋبليكالىق جوسپارىنىڭ جوباسىن قاراستىرعان.
جوسپار 82 تارماقتى قامتيدى, سولاردىڭ ىشىندە ءىرى حالىقارالىق جانە رەسپۋبليكالىق قوعامدىق ماڭىزى بار, عىلىمي, اعارتۋشىلىق ءىس-شارالار, كونفەرەنتسيالار, سيمپوزيۋمدار, پلەنەرلەر, دوڭگەلەك ۇستەلدەر, سىنىپ ساعاتتار, پوەتيكالىق جانە ادەبي كونكۋرستار, ءباسپاسوز تۋرلارى جانە وزگە دە ءىس-شارالار بار.
قازىردىڭ وزىندە وبلىستار, رەسپۋبليكالىق ماڭىزى بار قالالار مەن استانا اكىمدىكتەرى, مەرەكەلەۋدىڭ وڭىرلىك جوسپارلارى بار.
« ۇلى اباي مەرەيتويىنىڭ رەسمي سالتاناتتى اشىلۋ ءراسىمى 2020 جىلعى 21 قاڭتاردا نۇر-سۇلتان قالاسىندا وتەدى» دەدى ءمينيستردىڭ ورىنباسارى ن. م.داۋەشوۆ.
سول سياقتى ول ماڭىزدى جوبالاردىڭ ءبىرى – اباي شىعارمالارىنىڭ جيناعىن شەتەلدىڭ 10 تىلىنە اۋدارۋ جانە شىعارۋ, ابايدىڭ ءومىرى, شىعارماشىلىعى, مۇراسى مەن ءرولى تۋرالى ءۇش دەرەكتى-قويىلىمدىق ءفيلمدى شىعارۋ ەكەندىگىن اتاپ ءوتتى.
2020 جىلعى تامىزدا سەمەي قالاسىندا «اباي مۇراسى جانە الەمدىك رۋحانيات» اتتى حالىقارالىق عىلىمي-پراكتيكالىق كونفەرەنتسيا وتكىزىلەدى. كونفەرەنتسياعا بەلگىلى وتاندىق جانە شەتەلدىك ابايتانۋشى عالىمدار, عىلىمي-شىعارماشىلىق زيالى قاۋىم وكىلدەرى شاقىرىلادى.
مەرەيتوي اياسىندا ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق مۋزەي-قورىعىن مۋزەەفيكاتسيالاندىرۋ جانە اقىن ەسىمىمەن بايلانىستى تاريحي-مادەني مۇرا وبەكتىلەرىنە عىلىمي-رەستاۆراتسيالاۋ جۇمىستارىن جۇرگىزۋ قاراستىرىلعانىنا توقتالا كەلە, مادەنيەت جانە سپورت ۆيتسە-ءمينيسترى ن.داۋەشوۆ:
«بارلىق وقۋ ورىندارىندا ابايدىڭ ولەڭدەرىن جانە قاراسوزدەرىن مانەرلەپ وقۋ جانە مازمۇنداۋ بويىنشا اشىق ساباقتار مەن تاقىرىپتىق شىعارما بايقاۋلارى وتكىزىلەدى. رەسپۋبليكانىڭ بارلىق ايماعىندا وقۋشىلار ءۇشىن «اباي جەرىنە ساياحات» اتتى اباي جەرلەرىنە ەكسكۋرسيالىق تۋرلار قاراستىرىلعان. جوعارى وقۋ ورىندارىندا عىلىمي كونفەرەنتسيالار, اباي وقۋلارى, سيمپوزيۋمدار, پوەتيكالىق جانە ادەبي فەستيۆالدەر, پوەزيا كەشتەرى, اباي ولەڭدەرىن ۇزدىك وقۋ, اندەرىن ورىنداۋ جانە شىعارماشىلىعىن ءبىلۋ بويىنشا سەمينارلار مەن كونكۋرستار جوسپارلانۋدا. ل.ن. گۋميلەۆ اتىنداعى ەۇۋ جانىنان «اباي اكادەمياسى» عىلىمي-زەرتتەۋ ينستيتۋتى قۇرىلدى» دەدى.
ۇلى ابايدىڭ 175 جىلدىق مەرەيتويىن اتاپ ءوتۋ قارساڭىندا ءاربىر قازاقستاندىق ابايدىڭ شىعارمالارى بويىنشا جالپىۇلتتىق ديكتانتقا قاتىسا الادى. سونىمەن قاتار مەرەيتوي اياسىندا بارلىق مادەنيەت جانە سپورت ۇيىمدارىندا ادەبي وقۋلار, تاقىرىپتىق ءىس-شارالار, ۇلتتىق سپورت تۇرلەرى بويىنشا سپورتتىق جارىستار, شىعارماشىلىق كەشتەر, فەستيۆالدەر, اسكەري بولىمدەردە بەلگىلى اقىن-جازۋشىلار, ابايتانۋشى عالىمداردىڭ قاتىسۋىمەن سالتاناتتى ءىس-شارالار جانە ت.ب. وتكىزىلەدى.
