قوستاناي وبلىسىنداعى رۋدنىي قالاسىندا كوشەدەن تابىلعان نارەسگتەگە كارينا دەگەن ات بەرىلدى. بۇگىن شاقالاق رۋدنىيداعى پەرزەنتحانادان قالالىق اۋرۋحانانىڭ جاڭا تۋعاندار پاتولوگياسى بولىمشەسىنە اۋىستىرىلدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
بولىمشە مەڭگەرۋشىسى روزا كوبەكوۆا قىز بالانىڭ دەنساۋلىق جاعدايى جاقسى ەكەنىن ايتادى. وعان قازىر كەرەكتى ەمدەۋ كۋرسى بەلگىلەنگەن. سونى بىتىرگەسىن اۋرۋحانادان شىعارىلادى.
يۋۆەنالدى پوليتسيا ينسپەكتورى پوليتسيا كاپيتانى تاتيانا گۋسەۆانىڭ ايتۋىنشا, قازىر رۋدنىي قالاسى اكىمىنىڭ ورىنباسارى ەلەنا سكارەدينانىڭ اتىنا اقپاراتتىق حات جولدانىپ, اتالعان وقيعانى جاستارى كاسەلەتكە تولماعاندار ءىسى جونىندەنى كوميسسيادا قاراۋ, سونىڭ نەگىزىندە كىشكەنتاي نارەستەنى كوشەگە تاستاپ كەتكەن 31 جاستاعى ايەلدى انالىق قۇقىنان ايىرۋ ماسەلەسىن شەشۋ ۇسىنىلعان.
ەسكە سالا كەتەيىك, 31 جاستاعى ايەل 27 شىلدە كۇنى ساياجايدا قىزدى تۋىسىمەن پاكەت وراپ, كوشەگە الىپ شىققان دا, ساياجاي قاۋىمداستىعى عيماراتىنىڭ ەسىگى اۋزىنا تاستاپ كەتكەن. انانىڭ سوزىنشە, ول نارەستە ءولىپ قالعانداي بولىپ كورىنگەسىن وسىلاي ەتۋگە ءماجبۇر بولىپتى. بالاعا كەلگەن «جەدەل جاردەم» كولىگىنىڭ قىزمەتكەرلەرى دە سونداي ويعا توقتاپتى.
سول كەزدە جەرگىلىكتى بۇقارالىق اقپارات قۇرالدارىندا جاڭا تۋعان نارەستەنىڭ ءولى كۇيدە تابىلعانى تۋرالى جازىلعان. الايدا, رۋدنىي قالالىق اۋرۋحاناسىنىڭ دارىگەرلەرى ءسابيدى ومىرگە قايتا كەلتىرۋگە ءبىراز كۇش جۇمساپ, ماقساتتارىنا جەتكەنگە ۇقسايدى.
سۇلتان بوزايعىر.
