كەزدەسۋگە ءمينيستردىڭ ورىنباسارلارى, جاۋاپتى حاتشى, ينۆەستيتسيا كوميتەتىنىڭ جانە «KazakhInvest» ۇك» اق توراعالارى قاتىستى.
سىرتقى ساياسي ۆەدومستۆونىڭ باسشىسى كەزدەسۋگە قاتىسۋشىلاردى مەملەكەت باسشىسىنىڭ باستاماسىمەن قۇرىلعان پرەزيدەنتتىك جاستار كادر رەزەرۆىنە وتۋىمەن قۇتتىقتادى.
م. تىلەۋبەردى مينيسترلىكتىڭ پرەزيدەنتتىك جاستار كادر رەزەرۆىنە ەنگىزىلگەن تۇلعالاردى باسقارۋشى لاۋازىمدارعا تاعايىنداۋعا قىزىعۋشىلىق تانىتاتىنىن اتاپ ءوتتى.
باسشىلىق قىزمەتكە رەزەرۆشىلەردىڭ العاشقىسى بولىپ مينيسترلىكتىڭ جاۋاپتى حاتشىسى اركەن وتەنوۆ تاعايىندالعانىنا نازار اۋداردى. بۇل تاجىريبە قازاقستان رەسپۋبليكاسىنىڭ ءسىم اپپاراتىندا جاڭا بوس باسشىلىق قىزمەتتەردىڭ پايدا بولۋىنا اكەلەتىنىن اتاپ ءوتتى.
كەزدەسۋگە قاتىسقاندار قازاقستان رەسپۋبليكاسىنىڭ سىرتقى جانە ينۆەستيتسيالىق ساياساتىنا قاتىستى سۇراقتاردى قوزعادى. رەزەرۆشىلەر قازاقستاننىڭ سىرتقى ساياسي جانە ەكونوميكالىق مۇددەلەرىن ودان ءارى ىلگەرىلەتۋ بويىنشا ءوز ۇسىنىستارى مەن كوزقاراستارىمەن ءبولىستى.
ءىس-شارادان كەيىن ۆەدومستۆو باسشىلىعى رەزەرۆشىلەرمەن ءتۇرلى باعىتتار بويىنشا جەكە كەزدەسۋلەر وتكىزدى.
