ەرتەڭ, 2 اقپاندا قالاداعى بارلىق مەكتەپتەگى ءبىرىنشى جانە ەكىنشى اۋىسىمداعى 0-11-سىنىپ وقۋشىلاردىڭ وقۋى ونلاين فورماتقا اۋىستىرىلدى.
بۇل شەشىم ەكىنشى دارەجەلى قولايسىز مەتەورولوگيالىق جاعدايعا بايلانىستى قابىلداندى. قالادا التى كۇننەن بەرى جەل تۇرماعان, ەرتەڭ دە جاعداي وزگەرمەيدى.
سينوپتيكتەردىڭ مالىمەتىنشە, قولايسىز مەتەورولوگيالىق جاعداي تۋرالى ەسكەرتۋ 1 اقپان ساعات 20:00-دەن 2 اقپان ساعات 20:00-گە دەيىن كۇشىندە بولادى. وسى كەزەڭدە زياندى زاتتار اۋادا باياۋ تارقاپ, قالانىڭ اۋا ساپاسىن ناشارلاتادى.
«قولايسىز مەتەورولوگيالىق جاعدايدا بالالاردىڭ دەنساۋلىعى ءبىرىنشى ورىندا تۇرادى. وسىعان بايلانىستى وقۋشىلاردى ۋاقىتشا قاشىقتان وقۋعا كوشىرۋ تۋرالى شەشىم قابىلداندى», دەپ حابارلادى سالا قىزمەتكەرلەرى.
ايتا كەتەيىك, وقۋ ءۇردىسى كەستەگە سايكەس ونلاين رەجيمدە جۇرگىزىلەدى. بيلىك پەن ماماندار تۇرعىندارعا ەكولوگيالىق جاعداي جاقسارعانشا سىرتتا بولۋ ۋاقىتىن ازايتۋعا كەڭەس بەرەدى.
سينوپتيكتەر ەسكەرتۋ جاريالادى: ەلىمىزدىڭ 12 قالاسىندا اۋا ساپاسى ناشارلايدى
ەسكە سالا كەتەيىك, وتكەن جۇما كۇنى دە وسكەمەندەگى مەكتەپ وقۋشىلارى اۋا ساپاسىنىڭ ناشارلاۋىنا بايلانىستى ساباقتى ۇيدەن وقىعان ەدى.
