ايتا كەتەيىك, بۇقارالىق اقپارات قۇرالدارىندا 31 جاستاعى سپورتشىنىڭ تىزە جاراقاتىنا بايلانىستى وتا جاساتقانى تۋرالى اقپارات تارادى. شاۆكات راحمونوۆ بۇل حاباردى راستادى.
اسۋ الماباەۆ UFC-دە توپ-5 قاتارىنا كىرۋى مۇمكىن
«جاۋىنگەردىڭ جولى ەشقاشان جەڭىل بولماعان. ءومىر بىزگە ءوزىمىز كۇرەسە المايتىن سىناقتاردى بەرمەيدى. ءار ارماننىڭ ءوز قۇنى بار, ال كەيدە ونىڭ باعاسى – دەنساۋلىق. بۇگىن شىندىقتى ايتۋىم كەرەك: سوزىلمالى جاراقاتتارعا بايلانىستى تاعى ءبىر وپەراتسيا جاساتتىم, ەندى تولىق قالپىنا كەلۋ ءۇشىن ۋاقىت قاجەت. سونىڭ سالدارىنان مەنىڭ وكتاگونعا ورالۋىم كەيىنگە قالدى.
مۇنى قابىلداۋ وڭاي ەمەس, بىراق ءاربىر ساتسىزدىك – ۇلكەن جوسپاردىڭ ءبىر بولىگى ەكەنىنە شىن جۇرەكتەن سەنەمىن. مەن بۇرىنعىدان دا مىقتى, اقىلدى جانە اش بولىپ ورالامىن. ماقساتىم وزگەرمەيدى. UFC بەلدىگى قازاقستاندا بولۋى ءتيىس. قانداي جاعداي بولسا دا قولداۋ كورسەتىپ جۇرگەن بارشاڭىزعا العىس ايتامىن! بۇل جولدىڭ سوڭى ەمەس, ونىڭ ماڭىزدى ءبىر كەزەڭى عانا», دەدى شاۆكات راحمونوۆ.
شاۆكات راحمونوۆ رەسەيلىك يسلام ماحاچەۆپەن جەكپە-جەك وتكىزۋگە دايىن ەكەنىن مالىمدەدى
قازىرگى تاڭدا سپورتشى UFC-ءدىڭ جارتىلاي ورتا سالماقتاعى (77,1 كەلىگە دەيىن) رەيتينگىندە ەكىنشى ورىندا تۇر. ونىڭ الدىندا تەك رەسەيلىك يسلام ماحاچەۆ پەن اۋستراليالىق دجەك دەللا ماددالەنا عانا بار. ولار – تيىسىنشە قازىرگى جانە بۇرىنعى چەمپيوندار.
كاسىبي مما-دە شاۆكات راحمونوۆ وتكىزگەن 19 جەكپە-جەكتىڭ بارلىعىندا جەڭىسكە جەتكەن. ول سوڭعى ايقاسىن 2024 جىلدىڭ جەلتوقسانىندا وتكىزىپ, يرلانديالىق يەن ماچادو گەرريدى تورەشىلەردىڭ ءبىراۋىزدان شىعارعان شەشىمىمەن جەڭگەن بولاتىن.
