اقوردادا مەملەكەت باسشىسى قاسىم-جومارت توقاەۆ پرەزيدەنتتىڭ كادر رەزەرۆىنە ەنگەن 300 جاسپەن كەزدەسۋ وتكىزىپ جاتىر.
پرەزيدەنتتىك جاستار كادر رەزەرۆىنە تىركەلۋ بيىلعى قىركۇيەك ايىندا باستالعان ەدى. جوبانىڭ ستراتەگيالىق ماقساتى – ءتيىمدى مەنەدجەرلەردىڭ جاڭا تولقىنىن قالىپتاستىرۋ جانە ەلىمىزدىڭ جاڭا بۋىنى ءۇشىن پارمەندى الەۋمەتتىك ليفتىلەر جۇيەسىن قۇرۋ. ىرىكتەۋ ناتيجەلەرى بويىنشا پۋلعا جاڭا فورماتسيانىڭ باسقارۋشىلارى بولۋعا قابىلەتتى تالانتتى جانە كرەاتيۆتى جاس قازاقستاندىقتار ىرىكتەلدى.
پرەزيدەنت باستاماسىنا العاشىندا 13 مىڭنان استام قازاقستاندىق قاتىسۋعا نيەت بىلدىرگەن. قاتىسۋشىلارعا وتىز بەس جاستان اسپاعان, جوعارى ءبىلىمى جəنە بەس جىلدان كەم ەمەس ەڭبەك ءوتىلى بار قازاقستان ازاماتى بولۋى ءتيىس دەگەن تالاپتار قويىلدى.
جەڭىمپازدار اراسىندا جەكە سەكتوردىڭ – 106 وكىلى, كۆازيمەملەكەتتىك سەكتوردىڭ – 98 قىزمەتكەرى جانە 96 مەملەكەتتىك قىزمەتكەر بار. كانديداتتاردىڭ 58 پايىزى شەتەلدىك وقۋ وردالارىندا ءبىلىم العان. 42 پايىزى – قازاقستاندىق جوو تۇلەكتەرى. 6 ادام – عىلىم دوكتورى, 204 ادام ماگيستر دارەجەسىنە يە. جەڭىمپازداردىڭ ورتاشا جاسى 31-ءدى قۇراعان.
پرەزيدەنتتىك جاستار كادر رەزەرۆىنە الىنعان كانديداتتاردىڭ تىزىمىمەن جوبانىڭ رەسمي سايتىندا تانىسۋعا بولادى.
